Hira 180

Harena Sarobidy ny Bokin’Andriamanitra

(Ohabolana 2:1)

1. ’Lay Boky tena sarobidy indrindra

Dia manome fahasambarana.

Ny hafatra raketiny mahery,

Mamelona sy manasitrana.

Izany dia ny tenin’i Jehovah

Ao amin’ny Baiboly Masina.

Ireo mpanoratra azy io fahiny

Dia nampian’ny fanahy masina.

2. Voalaza ao ny asan’i Jehovah,

’Reo zavaboary noforoniny.

Ny olona nataony lavorary,

Nefa tsy nankatò ny didiny.

Lazainy koa fa nisy anjely iray

Nikomy tamin’Andriamanitra,

Ka nahatonga fijaliana maro;

Nefa hanova izany Jehovah.

3. Mahafaly ny fotoana iainantsika,

Satria efa manjaka i Kristy.

Tsy ho ela dia hovonjen’i Jehovah

Ireo manaiky ny fitsipiny.

Izay no vaovao tsaran’ny Baiboly,

Sarobidy noho ny volamena.

Mampanantena hoavy tena tsara

’Lay Boky ’zay mitondra fiainana.