Hira 150

Ilay Mofo avy any An-danitra

(Jaona 6:51)

1. Ry Rainay Avo Indrindra,

Ianao tsy miova hatrizay.

Ianao no hoderainay,

Ny anaranao hohajainay.

Ny olonao fahiny

Dia notarihinao

Sady nomenao mana,

Noho ny fitiavanao.

Ny vatolampy aza

Namoaka ranomamy koa;

Ka faly ’lay vahoaka,

Satria nandova tany soa.

2. ’Lay Zanakao malala

No tena mana ho anay,

Tonga tetỳ an-tany,

Hanala ny fahotanay.

Kristy no mofon’aina

Avy any an-danitra.

Ny tenany nomeny,

Hamonjy ny olona.

Koa raiso isan’andro

’Lay mofo mahavelona.

Hatanjaho ny finoana,

Aoka hadio ny fontsika.

3. Zarao amin’ny hafa

’Lay mofon’ny fiainana,

Fa maro ireo noana,

’Zay mila ny vaovao tsara.

Ampio ireo mitady

Ny fahamarinana,

Hahazo famonjena,

Handray fitahiana.

Ireo ’zay tafavoaka

Amin’ny Hara-magedona,

Hifaly sy hihoby,

Hidera an’Andriamanitra.