Hira 220

Ilay Paradisa Ankehitriny sy Ilay ho Avy

(2 Korintianina 12:4)

1. Jehovah Tompo nanome ny

Paradisa ara-panahy.

Ny fivoriana, mampahery

Sy mampianatra antsika.

Misaotra, Jehovah,

Noho ny Teninao.

Tena mahafaly

Ny manompo anao.

Mahatonga anay hiray saina

Ny fitiavanay anao.

Ny olon-kafa dia ampianay

Mba ho lasa ‘ondrinao.’

2. Ny Zanakao dia notendrenao

Mba hitondra ny tany.

Rariny foana ’zay ataony,

Mankatò anao izy.

Ny vahoakanao dia

Mankalaza anao,

Satria mahalala

Ny fikasanao.

Irinay koa ny mba ho hendry,

Hadio fitondran-tena,

Mba hanampiana ireo “ondry”

Tsy ho tafintohina.

3. Ho faly ’sika rehefa vita

Ny Hara-magedona,

Ka hogadraina i Satana

Amin’ny Arivo Taona.

Ireo maty kosa

Hatsangan’i Jah,

Havela handova

Ny Paradisa.

Ho lavorary ny rehetra,

Noho ny soron’i Kristy,

Ary hifaly eto an-tany,

Ho mandrakizay doria.