Mahafaly ny Fananganana ny Maty
Hira 102
Mahafaly ny Fananganana ny Maty
1. Rehefa nodimandry
I Lazarosy,
Nitomany azy
Ny anabaviny.
‘Raha mba teo mantsy
Jesosy Kristy,
Dia tsy ho faty
Ny sakaizany.’
Rehefa tonga anefa
Jesosy Kristy,
Dia nanao hoe: ‘Mivoaha,
Ry Lazarosy!’
Gaga ny rehetra
Fa nivoaka izy.
Faly nandray azy
Ireo havany.
2. Nanantena mafy
Ireo mpianatra,
Fa tonga Jesosy
Mba hanafaka.
Nefa novonoina
’Lay Mpanjakany,
Be ny alahelo
Tao anatiny.
I Jehovah kosa
Tia ny Zanany,
Ka nanangana azy
Tamin’ny maty.
Faly nandray azy
Ireo mpianatra.
Resiny tokoa ny
Fahafatesana!
3. Adama nitondra
Fahafatesana,
Fa Jesosy kosa
No fiainana.
Ireo nodimandry
Handre ny feony,
Ka ho velona indray
Sady hifaly.
Hisy fitsarana,
Ka ’zay mahatoky,
Hosoratana ao
Anaty boky.
’Reo manetry tena,
Tia ny rariny,
Hiaina mandrakizay
Eto an-tany.