Hira 69

Mahafoy Tena ho An’Andriamanitra Sady Mahay Mianina

(1 Timoty 6:6)

1. Ho be ny fitahiana

Raha mianina isika,

Ka mankatò amin’ny fo

Ny Tenin’i Jehovah.

Mahasoa antsika foana

Ny fahafoizan-tena.

Koa mazotoa Isan’andro

Manao ny fanompoana.

2. Aok’ isika ho faly

Sy hianina hatrany.

Tompoy i Jah, Mpamorona;

Torio ny Fanjakany.

Ny lalan’ny famonjena

No arahintsika foana.

Banjino koa ny valisoa,

Miandrasa an’i Jehovah.

3. Isaorantsika i Jah,

Satria miahy antsika.

’Zay tia azy arovany,

Na dia voasedra aza.

Henoy hatrany Jehovah,

Esory ny fanahiana.

Ho haintsika ny hianina

No sady hahafoy tena.