Midera Anao Ireo Olonao Tsy Mivadika
Hira 223
Midera Anao Ireo Olonao Tsy Mivadika
1. Midera anao, Jehovah ô,
Ireo mpanomponao,
’Zay tsy mivadika aminao
Sy tena tia anao.
Mahatalanjona
Ianao, ry Jehovah.
Mahagaga ny asanao,
Ny lalanao dia miavaka.
’Reo tsy mivadika aminao,
Midera anao, ry Ray.
Torinay ny anaranao,
Tena faly ’zahay.
2. Jesosy no mitarika
Ireo vahoakanao.
Eo koa ireo voahosotra
Izay nofidinao.
Midera anao ireo,
Sy mazoto manome
Sakafo ara-panahy
Ho an’ireo “vahoaka be.”
’Reo tsy mivadika aminao,
Milaza ny asanao.
Ambaranay eran-tany
Ny voninahitrao.
3. Mamindra fo tokoa ianao,
Manao soa aminay.
Nirahinao ny Zanakao
Hanavotra anay.
Ianao, ry Jehovah,
Tsy mba mora tezitra.
Misaotra anao ’zahay,
Nanehoanao fitiavana.
Raha sendra lavo izahay
Dia hampianao tokoa.
Koa derainay ianao, ry Ray,
Fa tena mpanao soa.