Hira 66

Ny Herin’ny Hatsaram-panahy

(Romanina 2:4)

1. Mahaiza mankasitraka

Ny hatsaram-panahy

Asehon’Andriamanitra

Amim-pitiavana.

Mahery Indrindra Jehovah,

Nefa mangoraka antsika.

Koa manompoa ’lay Raintsika,

Aza mivadika.

2. Jesosy dia tsara fanahy

Rehefa nampianatra.

Naneho hatsaram-po izy

Tamin’ireo osa.

Ny fampianarany dia soa,

Namelombelona tokoa.

Nibebaka ny mpanota,

Nanjary niova fo.

3. Tafio ny hatsaram-panahy,

Vokatry ny fanahy.

Hanahaka an’i Jah ’sika,

Ary hotahina.

Rehefa misy olana

Amin’ireo mpirahalahy,

Handamina izany koa

Ny hatsaram-panahy.

4. Ny herin’ny hatsaram-po

Dia lehibe tokoa.

Koa ampio foana ny hafa,

Ary manaova soa.

Ny manome no sambatra

Mihoatra noho izay mandray.

Tafio ny hatsaram-panahy,

Derao Jehovah Ray.