Ny Tena Fangoraham-po
Hira 68
Ny Tena Fangoraham-po
1. Ny mpanompon’i Jehovah
Maneho fangoraham-po
Amin’ny mpiray finoana
Sy ny olon-kafa koa.
Fanoharana iray
No nampiasain’i Kristy,
Hanampiana antsika
Mba hiantra toa azy.
2. ‘Teny akaikin’i Jeriko,
Nisy Samaritanina,
Nahita Jiosy voaroba,
Izay tena naratra.’
Fahavalony izy,
Fa notsaboiny tsara.
Koa aoka isika
Mba haneho fitiavana.
3. Iza àry no namantsika?
’Reo mila fanampiana.
Jehovah tia ny rehetra,
Tsy manavakavaka.
Tena Ray Jehovah,
Sakaiza tsara tokoa.
Koa tahafo izy,
Fa be fangoraham-po.
4. Sakafo sy fitafiana,
Azontsika omena;
Fa ny tena tsara indrindra
Dia ny fahamarinana.
Ilay Paradisa
Sy ny Fanjakan’i Jah,
Torio amin’ny hafa,
Hahazoany fiainana.