“Torio ny Teny”!
Hira 162
“Torio ny Teny”!
1. Andeha “torio ny Teny”,
Jehovah no mibaiko.
’Zao no fotoana voatendry,
Mankatoava amin’ny fo.
Mitoria sy mampianara,
Ampio ny mpandefitra.
Tsy mba atahorantsika
’Reo mitady hanohitra.
2. Andeha “torio ny Teny.”
Mivonòna hatrany
Mba hanome valin-teny
An’izay manontany.
Koa manàna fahasahiana
Raha misy manenjika.
Matokia an’i Jehovah,
Aza mba mivadika.
3. Andeha “torio ny Teny.”
Ilazao ny rehetra
Fa Jehovah dia hamely
An’ireo ’zay tsy miova.
Mitoria mba ho voavonjy
Ianao sy ny olon-kafa.
Ambarao maneran-tany
Ny anaran’i Jehovah.