Aza tonga dia eritreretina hoe tsy hiova intsony ny olona iresahanao. Matokia hoe te hampifaly an’i Jehovah ny mpiara-manompo aminao. Rehefa hanoro hevitra azy ireo ianao, dia derao aloha izy noho izay zavatra tsara vitany.

Aza mandany fotoana be miresaka olana. Aza miresaka zavatra mahakivy, raha tsy hoe tena ilaina ao amin’ilay anjaranao angaha izany. Tokony ho zavatra mampahery foana no hisongadina ao amin’ilay izy.

Ampiasao ny Tenin’Andriamanitra. Lazao, ohatra, hoe inona no efa nataon’i Jehovah ho antsika, dia inona ny zavatra ataony izao, ary inona no mbola hataony. Zavatra mampahery sy manatanjaka finoana no resaho.