Ny tantaran’i Saoly Mpanjaka sy Davida Mpanjaka no ato amin’ity fizarana ity. Naharitra 80 taona teo ho eo izany. Nanetry tena sy natahotra an’Andriamanitra i Saoly, nefa lasa tsy nankatò azy avy eo. I Davida indray àry no nasain’i Jehovah nohosoran’i Samoela ho mpanjaka. Nialona an’i Davida i Saoly, ka imbetsaka izy no te hamono azy. Tsy namaly faty anefa i Davida. Fantatr’i Jonatana zanak’i Saoly fa i Davida no nofidin’i Jehovah. Tsy nivadika tamin’i Davida àry izy. Nanao fahotana lehibe i Davida, nefa nekeny foana ny famaizan’i Jehovah. Raha manan-janaka ianao, dia resaho aminy hoe ilaina ny mankatò foana an’i Jehovah sy izay olona nofidiny.