Manambara ny voninahitr’i Jehovah ny zavaboary. (Sl 19:1-4; 139:14) Mampiely hevi-diso momba ny niandohan’ny fiainana anefa ny tontolon’i Satana, ary manala baraka an’i Jehovah izy ireny. (Ro 1:18-25) Ahoana àry no hahatonga azy ireny tsy hilentika ao an-tsaina sy ao am-pon’ny zanakao? Ampio ho resy lahatra izy dieny mbola kely hoe misy i Jehovah sady mikarakara azy. (2Ko 10:4, 5; Ef 6:16) Iezaho fantarina ny tena fahitany ny zavatra ianarany any an-tsekoly, ary ampiasao ireo fitaovana ananantsika mba hanohinana ny fony.—Oh 20:5; Jk 1:19.

JEREO ILAY VIDEO HOE NY HEVITRY NY TANORA TOA ANAO: FINOANA AN’ANDRIAMANITRA, ARY VALIO IRETO:

• Inona ny hevi-diso ananan’ny olona momba ny finoana an’Andriamanitra?

• Inona no ampianarina anareo any an-tsekoly?

• Nahoana ianao no resy lahatra hoe misy i Jehovah?

• Ahoana no azonao anampiana ny olona hino hoe namorona ny zava-drehetra Andriamanitra?