“Andriamanitra falifaly” i Jehovah, ary tiany hankafy ny fanompoana isika. (1Ti 1:11) Ho faly kokoa isika rehefa manompo, raha miezaka manatsara ny fahaizantsika. Manampy antsika hanombo-dresaka ny fanontaniana. Mety hahatonga ny olona ho liana koa izy ireny, sady mandrisika azy hieritreritra sy hanatsoaka hevitra. (Mt 22:41-45) Mihevitra an’ilay olona ho sarobidy isika, raha mametraka fanontaniana ary avy eo mihaino ny valin-teniny. (Jk 1:19) Mety ho hitantsika amin’ny valin-teniny hoe ahoana no hanohizana an’ilay resaka.

JEREO ILAY VIDEO HOE MAHAFALY NY MANAO MPIANATRA: HATSARAO NY FAHAIZANAO... MAMETRAKA FANONTANIANA. VALIO IRETO AVY EO:

• Inona no toetra tsara nananan’i Sendra?

• Inona ny fanontaniana napetrak’i Nita mba hampisehoana hoe te hifandray tamin’i Sendra izy?

• Inona ny fanontaniana napetrak’i Nita mba hahatonga an’i Sendra ho liana kokoa amin’ny vaovao tsara?

• Inona ny fanontaniana napetrak’i Nita mba hanampiana an’i Sendra hieritreritra sy hanatsoaka hevitra?