Tianao angamba ny video sy ny fanontaniana mampisaintsaina ao amin’ilay boky hoe Ankafizo Mandrakizay ny Fiainana! Ary ahoana ilay hoe “Misy Miteny Hoe”, sy ilay hoe “Tanjona”, ary ilay hoe “Jereo koa Ireto”? Inona koa no hitanao hoe manampy ao amin’ilay boky rehefa mampianatra Baiboly?​—Mt 28:19, 20.

Video sy Lahatsoratra: Ahoana raha boky vita pirinty no tianao hampiasaina rehefa mampianatra Baiboly? Ahoana no hahitanao ny video rehetra? Midira ao amin’ilay fizarana mifandray amin’ilay toko ianaranareo ao amin’ny JW Library. Eny amin’ny farany ambany misy hoe “Video sy Lahatsoratra” ho an’io fizarana io dia midira ao. (Jereo ny sary 1.)

“Endrika Sary” (Mode Image): Raha mampiasa fitaovana elektronika ianao rehefa mampianatra Baiboly, dia mety hanampy anao mandritra an’ilay fianarana ilay hoe “Endrika Sary.” Raha mbola eo amin’ilay pejy misy an’ilay lesona ianao, dia tsindrio ilay teboka telo eny ambony ankavanana dia tsindrio avy eo ilay hoe “Endrika Sary.” Mety hanampy anao hahita mantsy io hoe inona no ifandraisan’ilay zavatra ianaranareo amin’ny foto-kevitr’ilay lesona. Raha tianao haverina ho lasa endrika soratra indray ilay izy, dia tsindrio indray ilay teboka telo eny ambony ankavanana dia avy eo ilay hoe “Endrika Soratra” (Mode Texte), na tsindrio ilay sary boribory volomparasy eny amin’ny faran’ny pejy.

“Vonona ve Aho?”: Any amin’ny faramparan’ilay boky no misy an’ireo efajoro ireo. Ao no ahitana ny fepetra takina amin’izay te hitory miaraka amin’ny fiangonana sy te hatao batisa. (Jereo ny sary 2.)

Fanamarihana: Misy fanazavana fanampiny momba ny zavatra lehibe sasany ny ao amin’ilay hoe Fanamarihana. Raha endrika elektronika ny boky ampiasainao, dia misy rohy any amin’ny faran’ny fanamarihana tsirairay, ka raha tsindrianao iny dia tafaverina any amin’ilay lesona ianaranareo ianao. (Jereo ny sary 2.)