Mampahery antsika ilay fampanantenana hoe mbola hatsangana ny maty, rehefa misy olona akaiky antsika nodimandry. Hoatran’ny lamba mavesatra be sady manempotra antsika rehetra ny ota sy ny fahafatesana. (Is 25:7, 8) “Mbola miara-mitaraina sy miara-mijaly foana” àry ny zavaboary rehetra. (Ro 8:22) Raha nisy havantsika maty dia inona no hanamaivana ny fahoriantsika mandra-piandry azy ireny? Misy toro lalana be dia be afaka manampy antsika ao amin’ny Tenin’Andriamanitra.

JEREO ILAY VIDEO HOE MATY VE NY OLONA IRAY AKAIKIN’NY FONAO? VALIO IRETO AVY EO:

• Inona ny zavatra mafy be nahazo an’i Danielle sy Masahiro ary Yoshimi?

• Inona ny zavatra dimy tena nanampy azy ireo?

• Iza no afaka mampionona antsika indrindra?​—2Ko 1:3, 4