Taratasy avy Amin’ny Olona Tena Tianao

Nampitahain’ny mpamaky iray any New York amin’ny taratasy avy amin’ny olona tena tiana, ny boky Manatòna An’i Jehovah. Hoy izy: “Tena manohina ny fo ny toko tsirairay, ka lasa tena tia an’i Jehovah ianao.” Hoy koa izy: “Voavakiko hatramin’ny farany ilay boky ary tena tsy andriko ny hamakiana azy indray, toy ny ataonao rehefa maharay taratasy avy amin’ny olona tena tianao ianao.” Misy tatitra hafa koa ireto.

Nilaza toy izao ny mpamaky iray any Kansas, Etazonia: “Tsapako mihitsy hoe mihakaiky kokoa ny fifandraisako amin’ilay raiko any an-danitra. Feno fitiavana azy tsotra izao ny foko . . . May ny hamaky betsaka kokoa foana aho isa-maraina. Hamerina hamaky azy io foana aho.”

Nanoratra toy izao koa ny vehivavy iray any Maine, Etazonia: “Lasa nahafantatra tsara kokoa ireo toetran’i Jehovah aho noho izy io! Mampahery be ireo teny ao amin’ny pejy faha-74 hoe: ‘Tsy misy toerana tsara kokoa ho an’ireo maty, noho ny ao anaty fitadidian’Andriamanitra.’” Nahatsapa izany koa ny olona iray avy any Alaska, ka nanoratra hoe: “Tena nanohina ny foko izy io, ka tsy tanako ny ranomasoko.” Hoy koa izy: “Tsy maintsy hiverina hijery sy hamaky azy io foana aho.”

Mino izahay fa hahatsapa toy izany koa ianao raha mamaky an’io boky io. Eo am-piandohana dia misy toko telo ho fampidirana. Misy fizarana efatra ao amin’ilay boky avy eo, ka ireto avy ny lohateniny: “Hery Tsy Toha”, “Tia Rariny”, “Hendry Am-po”, ary “Andriamanitra dia Fitiavana.” Ary mamarana ilay boky ilay toko mitondra ny lohateny hoe: “Manatòna An’Andriamanitra, dia Hanatona Anareo Izy.”

Raha te hanafatra an’io boky 320 pejy io ianao, dia fenoy ilay tapakila ary alefaso any amin’ilay adiresy voalaza eo, na any amin’ny iray amin’ireo adiresy ao amin’ny pejy faha-5 amin’ity gazety ity.

□ Mba andefaso ilay boky hoe Manatòna An’i Jehovah aho.

□ Mba andefaso olona aho hampianatra Baiboly ahy maimaim-poana atỳ an-tranoko.