INONA NO LAZAIN’NY BAIBOLY?
Fahafatesana
Lasa aiza ny olona rehefa maty?
“Vovoka ianao ary hiverina ho vovoka indray ianao.” —Genesisy 3:19.
IZAY LAZAIN’NY OLONA
Mihevitra ny mpivavaka sasany fa misy fiainana any ankoatra, ka raha maty ny olona dia lasa any an-danitra, na any amin’ny afobe, na koa afofandiovana. Misy kosa mino fa teraka indray ao amin’ny vatana vaovao ilay olona. Ao koa anefa ireo tsy mpivavaka mihitsy, izay mihevitra fa rehefa maty ny olona dia tsy misy fotsiny ary vita hatreo ny aminy.
IZAY LAZAIN’NY BAIBOLY
Hoy ny Mpitoriteny 9:10: “Tsy misy asa na eritreritra na fahalalana na fahendrena ao amin’ny Fasana, izay toerana halehanao.” Manazava koa ny Baiboly fa mitovy ihany ny manjo ny olona sy ny biby rehefa maty. Hoy ny Mpitoriteny 3:20: “Samy mankany amin’ny toerana iray izy rehetra. Samy avy tamin’ny vovoka izy rehetra, ary hiverina ho vovoka indray izy rehetra.”
Mbola mahatsiaro tena ve ny maty?
“Miala ny ainy, ary miverina amin’ny tany nakana azy izy, ka androtr’iny ihany, dia foana ny eritreriny.”—Salamo 146:4.
IZAY LAZAIN’NY OLONA
Maro no nampianarina hoe raha nanao ny tsara ny olona iray nandritra ny fiainany, dia ho sambatra mandrakizay izy rehefa maty. Fa raha nanao ratsy kosa izy teto an-tany, dia hampijalijalina mandrakizay. Ny hafa indray milaza fa mila diovina ho afaka amin’ny fahotana, hono, ny olona rehefa maty, fa raha tsy izany tsy mahazo mankeo anatrehan’Andriamanitra.
IZAY LAZAIN’NY BAIBOLY
“Fantatry ny velona fa ho faty izy, fa ny maty kosa tsy mahalala na inona na inona”, hoy ny Mpitoriteny 9:5, 6. “Efa foana koa ny fitiavany sy ny fankahalany ary ny fialonany. Tsy misy anjarany intsony amin’izay rehetra atao etỳ ambanin’ny masoandro.” Tsy mahatsiaro tena àry ny maty. Sady tsy sambatra izy no tsy mijaly. Tsy mahare na inona na inona izy, ary tsy afaka mitahy na mampijaly ny velona.
Mbola azo antenaina ho velona ve ny maty?
“Raha maty ny lehilahy tomady, dia ho velona indray ve izy? Hiandry aho mandritra ny andro rehetra anerena ahy hiandry, mandra-pahatongan’ny fanafahana ahy.”—Joba 14:14.
IZAY LAZAIN’NY OLONA
Maro no mino fa raha vao lasa any amin’ny afobe ny olona iray dia tsy avotra intsony, ary mijalijaly ao mandrakizay. Izay ao amin’ny afofandiovana kosa, hono, mbola afaka mankany an-danitra rehefa voadio ny fahotany.
IZAY LAZAIN’NY BAIBOLY
Mbola hatsangan’ilay Zanak’Andriamanitra ireo matory ao amin’ny fahafatesana, ka ho velona eto an-tany indray. Izao mantsy no lazain’ny Jaona 5:26, 28, 29: “Aza gaga amin’izany fa ho avy ny fotoana handrenesan’izay rehetra any am-pasana ny feony, dia hivoaka izy ireo.” Raha manao ny tsara izy manomboka eo, dia hiaina mandrakizay. *
^ feh. 14 Raha mila fanazavana fanampiny, dia jereo ny toko 7 amin’ny boky Inona Marina no Ampianarin’ny Baiboly?, navoakan’ny Vavolombelon’i Jehovah.
Mety ho Tianao Koa
VALIN’IREO FANONTANIANA ARA-BAIBOLY
Tena Misy ve ny Afobe? Inona no Atao hoe Afobe Raha ny Baiboly no Jerena?
Betsaka no mino hoe toerana fampijalijaliana mandrakizay ny afobe ary any no sazina ny ratsy fanahy. Izany ve anefa no ampianarin’ny Baiboly?
VALIN’IREO FANONTANIANA ARA-BAIBOLY
Milaza ve ny Baiboly fa Teraka Indray ao Amin’ny Vatana Hafa ny Olona Rehefa Maty?
Manao ahoana ny olona rehefa maty?
VALIN’IREO FANONTANIANA ARA-BAIBOLY
Miresaka Momba ny Afofandiovana ve ny Baiboly?
Ho gaga ianao rehefa mahafantatra hoe avy aiza io fampianarana io.
