Nilaozan’ny Toetrandro ve ny Fanajana Tena?
ZAVA-DEHIBE NY MANAJA TENA
Tsy mora milavo lefona ny olona manaja tena. Feno toky izy miatrika olana.
-
Hitan’ny mpikaroka fa mora miady saina sy mora kivy lava ary mahery misakafo be na malain-komana ny olona tsy manisy vidiny ny tenany. Atahorana kokoa hiboboka toaka sy hidoroka zava-mahadomelina koa ry zareo.
-
Tsy mampitaha ny tenany amin’ny hafa ny olona manaja tena. Mora kokoa aminy àry ny mifandray amin’ny manodidina azy sy mahazo namana akaiky. Ny olona tsy dia manisy vidiny ny tenany kosa mora manakiana, nefa mandrava fihavanana izany.
-
Matanja-tsaina ny olona manaja tena na dia miatrika fitsapana aza. Miezaka foana izy manatratra ny tanjony na dia misy sakana aza. Tsy hoatr’izany kosa ny olona tsy manisy vidiny ny tenany. Matetika na zavatra tsy mety kely aza, dia eritreretiny hoe olana be. Mora milavo lefona àry izy.
NY AZONAO ATAO
Mifidiana namana mampahery. Miezaha hinamana amin’ny olona manaja ny hafa sy tena mitady izay hahasoa anao ary hampahery anao.
Ampio ny hafa. Tena hahasambatra anao ny manome rehefa tsara fanahy ianao sady manao zavatra ho an’ny hafa, anisan’izany ny olona tsy afaka mamaly soa anao. Marina foana izany, na dia hoatran’ny hoe tsy misy mankasitraka aza ny zavatra tsara ataonao.
Ampio ny zanakao hahay hanaja tena. Manao an’izany, ohatra, ianao raha ry zareo ihany no avelanao hamaha ny olana mahazo azy, araka izay vitany. Manampy ny zanakao hiatrika sy hamaha olana izany. Hahay hanaja tena kokoa izy vokatr’izay, ary ilainy foana izany rehefa lehibe izy.
NY ATAONAY
Manampy ny olona hanatsara ny fiainany sy hanaja tena ny fivoriana sy ny fampianarana Baiboly ataon’ny Vavolombelon’i Jehovah.
NY FIVORIANA FANAONAY ISAN-KERINANDRO
Mihaino lahateny ara-baiboly izahay mandritra ny fivoriana fanaonay isan-kerinandro. Matetika amin’izy ireny no misy soso-kevitra momba ny tokony hatao raha te hahay hanaja tena. Tsy misy vidim-pidirana ny fivorianay sady azon’ny rehetra atrehina. Hianaranao any, ohatra, hoe...
-
nahoana ianao no sarobidy amin’Andriamanitra
-
ahoana no hananana tanjona tsara eo amin’ny fiainana
-
ahoana no hahazoana namana akaiky sy maharitra
‘Mifampiahy’ ny olona any ary hahita tena namana ianao.—1 Korintianina 12:25, 26.
Karohy ao amin’ny jw.org/mg ilay video fohy hoe Inona no Atao any Amin’ny Efitrano Fanjakana?, raha te hahafantatra bebe kokoa momba ny fivorianay ianao.
NY FAMPIANARANA BAIBOLY ATAONAY
Manasa olona hianatra Baiboly maimaim-poana amin’ilay boky hoe Ankafizo Mandrakizay ny Fiainana! izahay. Ahitana an’ireto ao amin’io boky io: Andinin-teny manasongadina hevi-dehibe, fanazavana tsotra, fanontaniana mampisaintsaina, video manohina ny fo, ary sary tsara tarehy. Manampy ny olona hanatsara ny fiainany sy hahatsapa hoe misy vidiny ny fampianarana Baiboly ataonay.
Karohy ao amin’ny jw.org/mg ilay video fohy hoe Nahoana Ianao no Tokony Hianatra Baiboly?, mba hahitanao hoe nahoana no mahasoa ny mianatra Baiboly amin’ny Vavolombelon’i Jehovah.
Mety ho Tianao Koa
MIFOHAZA!
Miezaha Hanaja ny Vadinao
Mila mifanaja foana ny mpivady, fa tsy hoe tsindraindray ihany. Ahoana àry no ampisehoanao hoe manaja ny vadinao ianao?
VALIN’IREO FANONTANIANA ARA-BAIBOLY
Tsy Tokony ho Tia ny Tenanao Mihitsy ve Ianao?
Milaza i Jesosy hoe: “Tiavo ny namanao tahaka ny tenanao.” Inona no dikan’izany?
MOMBA ANAY
Hangataka Hotsidihina
Azo atao ny mandinika fanontaniana ara-baiboly na manontany mombamomba ny Vavolombelon’i Jehovah.
