1. Derao i Jah,

Tompon’ny aina,

Ray tena tia, mpanome ’zay ilaina.

Hery lehibe

No isehoany,

Mahagaga ’nefa ny fahari-pony.

Derao ny anarany fa tena ambony.

2. Derao i Jah

Fa mpanao soa,

Mamaly vavaka, miantra tokoa.

Raha kivy ianao

Na miady saina,

Dia ny fanahiny foana antenaina.

Jehovah no mendrika hoderaina.

3. Derao i Jah

Fa be fiahiana,

Manao ny rariny, azo itokiana.

’Zay rera-po

Tena iantrany,

Hitondra soa maro ny Fanjakany.

Andao isika hidera azy hatrany!