Hira 75
Maro ny Antony Mahafaly Antsika
1. Ny anton’ny fifaliantsika
Dia maro tokoa raha jerena,
Toy ireo zava-tsarobidy
Avy amin’ireo firenena.
Ny fampianaran’ny Baiboly
Raisintsika isan’andro koa
Manatanjaka ny finoana,
Ka tena mampifaly fo.
Fifaliana tsy mety lefy
Toy ny afo mirehitra izany,
Ka na dia voasedra isika,
Tsy kivy fa miaritra ihany.
(AVERINA ISAN’ANDININY)
Jehovah no fifaliantsika,
Ny toetrany tena tiantsika.
Ny asany sy ny fahendreny
Maharavoravo antsika.
2. Endrey ny hakanton’ny voary,
’Zay mahafinaritra erỳ!
Asa tanan’ilay Nahary,
Misaora azy ka mihobia.
Mahafaly koa ny fitahiana
’Zay hoentin’ilay Fanjakana.
Mahasambatra ny fitoriana,
Mamelona fanantenana.
Tsy ho ela koa ny Paradisa,
Ny andro hibaliaka indray.
Ho faly sy ravo isika,
Ho sambatra mandrakizay.
(AVERINA ISAN’ANDININY)
Jehovah no fifaliantsika,
Ny toetrany tena tiantsika.
Ny asany sy ny fahendreny
Maharavoravo antsika.
(Jereo koa ny Deot. 16:15; Isaia 12:6; Jaona 15:11.)