Hira 100
Tafik’i Jehovah Isika!
1. Ny tafik’i Jehovah
Dia mafana fo,
Ka feno fahasahiana
Sy mazoto avokoa.
Isika tsy resin’ny
Tetik’i Satana,
Vonona hitory
Ilay Fanjakana.
(AVERINA ISAN’ANDININY)
Ny tafik’i Jehovah
Dia mandroso hatrany,
Faly manambara
Ilay Fanjakany.
2. Tadiavintsika foana
Ireo ondry very,
’Zay ory sy mijaly
Ary koa manirery.
Karohy izay mendrika
Eny am-pitoriana,
Asao izy ’reny
Ho any am-pivoriana.
(AVERINA ISAN’ANDININY)
Ny tafik’i Jehovah
Dia mandroso hatrany,
Faly manambara
Ilay Fanjakany.
3. Kristy mibaiko antsika,
Raiso ny fiadiana.
Vonona hatrany ’sika,
Hiaro ny fahitsiana.
Hisy zava-tsarotra
Nefa aza manahy.
Aoka mba ho mailo,
Tsy hivadika.
(AVERINA ISAN’ANDININY)
Ny tafik’i Jehovah
Dia mandroso hatrany,
Faly manambara
Ilay Fanjakany.
(Jereo koa ny Efes. 6:11, 14; Fil. 1:7; Filem. 2.)
