Haka:

• Tononkira Misy Naoty

1. 1. Jehovah Ray, ’lay Avo Indrindra,

   Mba iza no toa anao?

   Inona re no mba hataoko

   Ho setrin’ny fitiavanao?

   Raha mba miandrandra aho dia mahita

   Hoe voninahitra sy hery

   No tafianao, nefa anie aho

   Iantranao, ampianao tsy ho very.

   (FIVERENANA)

   Jehovah ô, ’ty hira hiraiko ity,

   Hira hiderako anao.

   Lehibe ianao, Mpanjaka ho doria.

   Voninahitra ho anao,

   R’ilay Ray ao ambony ao!

2. 2. ’Zay mombamomba ahy, Jehovah,

   Foiko hiderana anao.

   Dodona erỳ aho ’ndeha hizara

   Ny hatsaranao, ny asanao.

   Tombontsoa sy rehareha ho ahy

   Ny hoe manompo anao, Ray.

   Ianao ampinga hampahery ahy,

   Mpitondra ahy ho mandrakizay.

   (FIVERENANA)

   Jehovah ô, ’ty hira hiraiko ity,

   Hira hiderako anao.

   Lehibe ianao, Mpanjaka ho doria.

   Voninahitra ho anao,

   R’ilay Ray ao ambony ao!

3. 3. Na ny eny ambony na ny ambany

   Mahafaly fo, mahasondriana:

   Volana, kintana, masoandro,

   Sy ranomasimbe mahavariana.

   Ianao dia tia, mahay sy hendry,

   ’Zay no asehon’ireo.

   Mendrika anao ny hankalazaina,

   Nahoana aho no tsy hanandram-peo?

   (FIVERENANA)

   Jehovah ô, ’ty hira hiraiko ity,

   Hira hiderako anao.

   Lehibe ianao, Mpanjaka ho doria.

   Voninahitra ho anao,

   R’ilay Ray ao ambony ao!