Ihapari Comaana Cantikhiye ni Markus 16:1-8
-
Yesu nawunwelelihiya (1-8)
16 Vano, uvira waya isaapatu, Maria Madalena, Maria, anumwaane Tiyaku ni Salome yaahothuma makhura oonukhela wiira yoottihace irutthu ya Yesu.
2 Ni, nihuku noopacera isumana, yaahorwaa umahiye uwicisu, ninakhumile ncuwa.
3 Waaphilyaaya nwo, ayo yaahopacera wiirelana co: “Tipani nohala unikumihera nluku nittiyelenle mahiyenno?”
4 Masi, uweha waya uhoolo, yahoona wiira nlukunno nahopirikisiya, hataa ukhalaka wiira naari nuulupale.
5 Masi, waakenlyaaya nipuro naavithiye irutthu ya Yesu, yahomoona mmirawo mmoca nonkomile moono wonlopwana, nawanre ihancu yootteela, ni ayo yaahokhala ootikhinihiya.
6 Vano uyo ahowiirela: “Nhituthuwe. Nyuuva nnomwaavya Yesu eeviye wanipottoni. Uyo khaavo muu, honwelelihiya. Mooneke, vaa phinipuro neesiyaawe.
7 Vano, nrwee mwaahimerye attharyaawe ni Peturu wiira: ‘Yesu hohoolela u Kalileya, nwo phinkeleenyu umoona, khampa coohimenryaaweni.’”
8 Vano, ayo athiyanaayo yahokhuma mmahiyemmo yatthawaka, yoovaka ni anatikhinihiye cinene. Ni khayanhimenrye ntthu itthu yoonilyaaya, kontha yaanoova.
