MPHANTTE 4
Yahomwiwelela Sotwani—Yaakhumelenle Isiyani?
Atamu ni Hawa khamwiwelenle Nluku, phimana ukhwalyaaya. Uphattuwaca 3:6, 23
Hawa aheewelela inwaa ni aholya nhokorokho. Vahoolo, ahonvaha vakani Atamu, ni uyova aholya.
Yaapankalyaaya yaari yootakhala—yaari matampi. Nluku ahowoomola watthokoniwaya, Upeephoni.
Makhalelwaaya, yahancera urikarika wamoca naasanaaya. Yahooluvala ni yahokhwa. Kharwaale wiirimu; yanoohiya ukhala paahi.
Atthu ookhwa arii khampa ntthupi notthaya: ayo kharina ukumi. Uphattuwaca 3:19
Hiivano ninaakhwa nlattu wa Atamu ni Hawa. Atthu ookhwa khanoona, khaneewa ni khampanka itthu.—Eklesyaste 9:5, 10.
Yehova khaaphela wiira atthu akhwe. Wowaakuvya, uyo naarwa uhokolosa ukumi waatthu akhwaale. Ayo yarwaaka umwiwelela Nluku, anaahala ukhala mpaka.
Myaha cikiina atthunaka cinhala wuucivelani
CITTHU CINEETTHUCIHAAYA IBIIBLYA
Isiyani inniirannyeela nakhwaaka?
Ibiiblya inaahimya wiira wahoolo atthu enci akhwile anaahala wunwelelihiya, khampa Laazaru conwelelihiyaawe.
