MPHANTTE 3
Makhalelo Oopeephoni Yaari Cani?
Yehova ahaavaha Atamu ni Hawa citthu comaana. Uphattuwaca 1:28
Yehova ahomumpa nthiyana oopacera, Hawa, phinvahaka Atamu wiira akhaleke amwaarawe. —Uphattuwaca 2:21, 22.
Yehova ahowumpa ni ankhili, irutthu cohimatampi ni oohipahuwa.
Itthokwaaya yaari Ipeephoni yo Eden, nipuro noorera cinene waaphwanyannyaya miri cowiima ni enama cinci.
Yehova anaawuulumana ni anaasomiha. Yaamwiwelenle, yanaahala ukhala wapeephoni mpaka.
Nluku ahahimerya wiira ahilyeni nhokorokho wo mwiri mmoca. Uphattuwaca 2:16, 17
Yehova ahomoonihera Atamu ni Hawa, mwiri mmoca waari wapeephoni ni aheerela wiira yalyaka nhokorokho yaanaahala ukhwa.
Nlayikha nimoca nahothanla untapanana Nluku. Nna Nlayikhanna nootakhala nrima nnehania Sotwani, Tiyapo.
Sotwani khawancivela umoona Atamu ni Hawa yantthunelaka Yehova. Phimaana, uyo aatakihale inwaa ukathi waamuulumannyawe Hawa wiira alyaka nhokorokho wo mwiri waakottihalyaawe Nluku, khaahala ukhwa, masi aahala ulikanaca ni Nluku. Iyo yaari yowoothiya.—Uphattuwaca 3:1-5.
Myaha cikiina atthunaka cinhala wuucivelani
CITTHU CINEETTHUCIHAAYA IBIIBLYA
Kontha isiyani Nluku umpilyaawe ituninya?
Ituninya inkhaleehu ikhanle yooreera. Iyo iheesiya nipuro nomaana; khittalivanne ni khitepile waattamela ncuwa. Iyo naarukunuwa sana-saana; khinttepa utthawa ni khinrukunuwa vakaani vakaani. Kontha isiyani Nluku wiikurumicilyaawe wumpa ratta-raatta ituninya?
