UPACERIHA UWOOPANA MWAHA ATTHU
MWAHA 5
Wuuluma niihisima
Ikano: “Moolumweenyu ahaana ukati wotheene yakhalaka oociva.”—Akol. 4:6.
Isiyani Paulu yaapankilyaawe?
1. Moone IVIDIYU awula nsome Miteko 17:22, 23. Mwamalihaka, mwaakhule ala makohwaala:
-
Manannani Paulu ceecoonilyaawe ukati woonalyaawe citthu caapankiya mmattiinini cowootha u Atenas? —Nwehe Miteko 17:16.
-
Uhiya upacera waavaanyiha atthu o Atenas, manannani Paulu oolumilyaawe niihisima ni caavarenlyaawe nteko citthu caakupalyaawe wiira alalyeere ihapari comaana?
Ntakihero na Paulu ninniitthuciha isiyani?
2. Atthu anaalalyeereehu anaahala upheela univiriyana nathanlaka rattaitthu yoohala wuuluma, mananna owuuluma ni ukati wowuuluma.
Muntakihe Paulu
3. Nthanle ratta moolumweenyu. Wootakihera, ukati woomoopana mwaha ntthu hikhanle ittiini yeekristau, nhaana mwiivaracaka wiira nhaakuve uromolaca Ibiiblya awula unromolaca Yesu.
4. Nhaakuve unvaanyiha ntthuuyo. Munhiye ntthuuyo wiitaphula wiira oolume itthu inoopuwelaawe. Oolumaka itthu invirikana niitthu inhimyaaya Ibiiblya, nnyeme unnyakulihanana. (Tiya. 1:19) Nyuuva mwanviriyanaka saana ntthuuyo, nnahala ukhitiri ucuwela itthu inoopuwelaawe.—Miru. 20:5.
5. Munrumelelihe ni munttottopele ntthuuyo moonaka wiira wanaareera. Ntthuuyo atthunaka noona ukhala ikhweeli citthu cineetthucihiyaawe uttiinini iryaawe. Wiipaceroni, mmananihe wuuluma citthu cinkupaliinyu ooyeeli cinyu, nyuuva ni ntthuuyo. Vano, vakaani-vakaani, munkavihere wiiweeha itthu inhimyaaya Ibiiblya.
