Nasomaka Ibiiblya, hi pooti utotha ikano cowiipithya. Isiyani inlamuliyeehu upanka wiira mphwanyere ifayita nnyo ikanonnyo?

Ntothe ucuweleeha ihantisi co mbiiblyani. Wootakihera, mwiikohe co: ‘Tipani antikhile ila ihantisiila? Ukati wantikhilyaawe yeerannya isiyani? Isiyani yeerannyeele hinantikha? Isiyani yeerannyeele umaliha wawe wantikha?’

Muupuwele itthu inwiitthucihannyaaya ihantisiiyo. Nyuuva pooti wiikoha co: ‘Atthu anoolumiya nhina ila ihantisiila yiiconne cani? Makhaleloni omaana yaathoonyihenryaaya? Nlattuni waahalaaya ureera miiva waatakiha? Citthucni coohinamaana cinlamuliyaaka unyema upanka wiira kaatakihe?’

Mweettele citthu ciitthucileenyu. Nyuuva pooti weettela nnyo citthunnyo wuulalyeerani awula ukati unkhalakhaleenyu naakhunaninyu. Mwapankaka commo, nnaahala woonihera wiira muntthu ankhili toko cineeraaya Isaalimu 107:43: “Ntthu ankhili naahala weesa wanrimani nnya citthunna.”

• Nruku: Nweheehe myaha cinoolumiya mphantte wo Mihakhu co Nnuulumoni na Nluku wankutthaanoni iriyari isumana. Ntothe woona manannani nnyo myahannyo cinnikaviheraaya weettela citthu cineetthuceehu mbiiblyani. Uyo mphanttyooyo anaakhalaka makoho anlamuliyeehu waakhula naasineeneehu, citthu cinlamuliyeehu wuupuwela ni ilatarato cinlamuliyeehu wuupuwela itthu inniitthucihaaya.