Anamalalyeera enci anawaaverela nteko aplikatiivu JW Library^® wiira atthenkace mikutthaano. Napotolaka mphantte wo mikutthaano ayo aplikatiivwaayo, anawuurweehani nipuro ninkhumela khula mwaha unsomiya ni iyo inaanikavihera. Masi irevista Ukhalenla yoosomiya ihaana myaha cikhwaawe cinsomiya wanlokoni ciicammo cikhanle iyoolya yo mminepani.ninhala uphwanya cani nnyo myahannyo mwaaplikatiivuni JW Library ni uphwanyera ifayita itthu inhimyaaya?

• Wiimaleloni wo khula mwaha wo nrevistani Ukhalenla nihaavo nipuro ninantikhiya co: “Myaha cikhwaawe”. Vathi va ninawantikhiya nipuro nikhwaawe co: “Myaha cikhwaawe co ila irevisteela”. Mwapotolaka nno nipuronno nyuuva nnaahala woona myaha cotheene cimphwanyannya nhina iyo irevisteeyo. Myaha cikhwaawennyo khacinhala ukhalana manummeru. Nnyo myahannyo cikhanle myaha cihinsomiya wanlokoni. Mpotole wiira mwancere usoma.

• Itthu ikhwaawe inlamuliyeenyu upanka wiira mphwanye nnyo myahannyo, ukhanle urwaa “Início” aplikatiivu JW Library, uweha nipuro nantikhiye “Novidades” ni ubaxari khula irevista Ukhalenla inkumiheriya phiyaaru. Vano mpotole irevista ibaxanriinyu ni nwehe myaha ciri nhina iyo irevisteeyo. Mwapankaka commo, nyuuva nnaahala ukumihera ifayita myaha co khula irevista.