Hi nimpheela untteeliha nrima Yehova nhina citthu cotheene cimpankeehu. (Miru. 27:11) Phimaana, hataa wakhalaka wiira khanivo nlamulo no mbiiblyani ninnihimyeera itthu inlamuliyeehu upanka, hi nihaana nithanlaka upanka citthu cinthoonyera wiira ninoopuwela khampa Yehova. Isiyani inhala unikavihera wiira nikhitiri upanka iyo itthwiiyo?

Nsome Ibiiblya khula nihuku. Nasomaka Ibiiblya unkhala khampa niri nkhayi ni Yehova. Itthu imoca inlamuliyeehu upanka wiira niitthuce wuupuwela toko Yehova cinoopuwelaawe ukhanle usoma mananna caawacenryaawe apoovwaawe. Itthu ikhwaawe ukhanle usoma ihantisi caatthu yaapankile ni yahaapankile citthu cancivenle Yehova. Vano napheelaka ulakela upanka itthu, nnepa wowaarya unaahala unikavihera wuupuwela ikano ni mattharelelo yiitthucileehu ukati waasomeehu Ibiiblya.—Joau 14:26.

Utotha ucuweleeha. Mwapheelaka ulakela upanka itthu, mwiikohe co: ‘Iveerusuni co mbiiblyani cinhala ukikavihera ucuwela mananna Yehova cinweheraawe ila itthwiila?’ Munlompe Yehova ni nvarele nteko ikaruma cirivo niiluukeenyu wiira ntothe ni ncuwele coweettela mattharelelo o mbiiblyani anhala wuukaviherani ulakela upanka itthu yomaana.—Isaa. 25:4.

MOONE IVIDIYU NIHIHIYERERE UTTHAWA—NLYE IYOOLYA YOMAANA. MWAMALIHAKA, MWAAKHULE ALA MAKOHWAALA:

• Marikarikoni yankhumelenle mwanthiyana o nvidiyuni?

  textarea-1

• Ikaruma cinnikavihera utotha ucuweleeha myaha cinnirikarika cinhala wuukaviherani cani waanana marikariko toko ayo?

  textarea-2

• Kontha isiyani unaareera ukumiha ukati wiira nitothe ucuweleeha myaha cinnirikarika ni wiira mwiitthaalele usoma Ibiiblya veekha?—Mabere. 5:13, 14

  textarea-3