29 yo Julho–4 yo Agosto
ISAALIMU 69
Ncipo 13 ni ulompa | Moolumo oopacera (1 min.)
1. Citthu caahimiye nhina Isaalimu 69 caamwiirannyenle cani Yesu?
(10 min.)
Yesu ahothanyiya woohisariya. (Isaa. 69:4; Joau 15:24, 25; Sentinela 15/08/2011 ipaag. 11 iparaag. 17)
Yesu yaanancivela cinene inupa ya Yehova. (Isaa. 69:9; Joau 2:13-17; Sentinela 15/12/2010 ipaag. 8 iparaag. 7-8)
Yesu ahoona uwerya cinene ni ahovahiya iviinyu wiira awurye. (Isaa. 69:20, 21; Mat. 27:34; Luka 22:44; Joau 19:34; Despertai! 22/10/1995 ipaag. 31 iparaag. 4; Perspicaz vol. 2 ipaag. 660)
MWEEMELE MUUPUWELE: Nlattuni Yehova wantikhilyaawe inatiri caamuuluma Mesiya nhina Cowantikhiya Ceeheperewu?
2. Ikano cowiipithya co mbiibiliyani
(10 min.)
-
Isaa. 69:30, 31—Nnya iveerusunnya cinnikavihera cani wiitthuca ulompa ratta? (Sentinela 15/01/1999 ipaag. 18 iparaag. 11)
-
Mwaasomeenyu mphantte wo mbiibiliyani wo ila isumaneela, ikanoni cowiipithya ciphwanyaleenyu?
3. Usoma Ibiibiliya
(4 min.) Isaa. 69:1-25 (Leitura e Ensino mpantta 2)
4. Uvilela—Isiyani Yesu yaapankilyaawe?
(7 min.) Mwaha wookaviheriya niikomentaariyu co mayamunna. Moonihe IVIDIYU, ni moopele mwaha ibroxura Mwaafente Atthu mwaha 8 ipontu 1-2.
5. Uvilela—Muntakihe Yesu
(8 min.) Mwaha wookaviheriya niikomentariyu co mayamunna. Mwaafente Atthu mwaha 8 ipontu 3-5 ni “Nwehe ciicammo.”
Ncipo 134
6. Coohimiya co wanlokoni
(5 min.)
7. Ikano cinhala waakavihera amuci upanka ratta uswali waamuci
(10 min.) Mwaha wookaviheriya niikomentaariyu co mayamunna.
Khalayi, mphantte wo nkutthaano uneehaneehu Usomiya Ibiibiliya wo Walokoni waapankiyaka nihukunayaru. Masi, ukhuma mweeri wo Janeiro wo 2009, uyo mphanttyooyo wahancera upankiya wamocaaru ni miphantte cikiina cotheene co nkutthaano weeriyari isumana. Upankiye commo, wiira amuci otheene o wanlokoni akhalane ukati woopanka uswali waamuci. Mayamunna enci ahoonihera usukhurweela nlattu wookhalana ukati womphiyeera Yehova ni woolipihaca wiiwanana waya watthokoni.—Deut. 6:6, 7.
Ikanoni cinhala waakavihera amuci upanka ratta uswali waya waamuci?
-
Mpanke uswali waamuci khula isumana. Mwakhitirivale, nlakele iwoora yoopanka uswali waamuci ni isumana cotheene mpanke yeeyo iwooreeyo. Nthanle mahuku meeli wiira nihuku nimocanno mwahikhitiriki upanka, mpanke nihuku nikiinanno.
-
Mwiitthenkace. Nwuulumane amwaarinyu awula asaaniinyu ni mwaalepele miruku nhina myaha cooreera usoma nkhayi. Nyuuva pooti uhiviriha ukati mwinci mwiitthenkacaka, utepa wakhalaka wiira atthu otheene wapuwani unawaacivela waakuleliha citthu caapankileenyu wuuswalini waamuci mahuku makiina.
-
Mpanke uswali waamuci munweheraka khula ntthu wapuwani. Asaana yoonuwaka, makhalelwaaya ni citthu cinkhitiryaaya upanka cinaavirikana. Mananna cinhaleenyu upanka uswali waamuci, nhaana nttharihaka wuunuwa mminepani wo khula ntthu wapuwani.
-
Moonihere ufenta ni ncivihace. Ukati nkiina, pooti usoma woonene nviraviraka iphyoo, uhiya mpaani. Moona wiira unaahala ureera, pooti wiihelela intervaalu cankaani. Ukati wooswali waamuci pooti woopela mwaha marikariko ankhalanaaya asaaniinyu, masi uyo khunakhala ukati wowaapwapwela awula wuuluma citthu cihimpankaaya ratta.
-
Nhipanke inanna imocaaru khula ikwaha. Nyuuva pooti upanka co: utthenkaca nkutthaano, woona ni woopela mwaha ividiyu nhina jw.org ni utthenkaca itthu inhaleenyu wuuluma wuulalyeerani. Uswali waamuci unkhala ukati amuci otheene unlamuliyaaya woopa mwaha, masi pooti uvarela nteko uyo ukatyuuyo wiira mpanke usoma wo veekha nkhayi.
Moopele mwaha nna nikohonna:
-
Manannani nyuuva cintthareenyu nnya ikanonnya wiira mpanke uswali winyu waamuci?
