Nihaana ividiyu cese cinooluma usomihiya Ibiiblya cinlamuliyeehu uvarela nteko wuulalyeerani. Nlattuni cipankiyaaya nnyo ividiyunnyo?

• Kontha Isiyani Usoma Ibiiblya?—Ividiyu Yoolikana ipankiye wiira inkurumice ntthuuyo wiitthuca myaha co mbiiblyani, hataa akhalaka ittiinini. Iyo inankurumica ntthuuyo utotha waakhuliya waya makoho moolupale ni inaathoonyera mananna Ibiiblya inaakhulaaya nikoho nimoca. Iyo ividiyu iyo ciicammo inanthoonyera ntthuuyo mananna oolepela usomihiya Ibiiblya.

• Kontha Isiyani Usoma Ibiiblya? (ividiyu yankaani) inaalikana niividiyu yoopacereeyo, masi ikhanle yoothikiliya. Iyo inaareera uvarela nteko mapuro atthwaayo uhinkhalanaaya ukati mwinci woonoopana mwaha.

• Inkhumelela Isiyani Yeesomiyaka Ibiiblya? ipankiye wiira inthoonyere ntthuuyo iporokaraama irineehu yo waasomiha atthu Ibiiblya mahala. Iyo ividiyu iyo ciicammo inawaakhula makoho atthu enci ampankaaya ni inanthoonyera ntthuuyo mananna oolepela usomihiya Ibiiblya.

• Kharipu usomihiya Ibiiblya ipankiye wiira ooniheriye ntthu pacenre usomihiya Ibiiblya. Iyo ividiyu iyo iri wapaaginani 2 nlivuruni Mphwaanye Utteeliya Uhimmala!, masi ciicammo pooti uvareliya nteko ukati woomoopana ntthu mwaha mbroxurani Mphwanye Utteeliya Uhimmala!. Iyo ividiyu iyo inaahimya myaha cinoolumiya nlivuruni yotheene ni isiyani ntthuuyo inwehereraawe wiitthuca nhina khula mphantte wolivuru.

Unookhalaru wiira khula ividiyu irina ntekwaayaru, hiiva pooti umoonihera awula unveleelihera khula ntthu nohaleehu umoona wiira inaahala unkavihera. Anamalalyeera ahaana yacuwelaka nnyo ividiyunnyo ni uvarela nteko wuulalyaani.