Atthu otheene unaakhalaka ukati uncukulacaaya. Ucukulaca khunakhala ulolovaca nhina mminepani. Uhiya commo, hataa Yehova heera wiira naacukulacaka. (Upha. 6:5, 6) Masi wakhalaka wiira ninaacukulaca mahuku otheene awula iwoora cotheene?

Mwaavye ukaviheriya ni Yehova. Yehova naawacera ukumiihu, moopuwelelweehu ni makhalelweehu. Uyo naacuwela wakhalaka wiira niri ootteeliya awula ooriipiya nrima. Uyo naacuwela itthu inniiriha uriipiya nrima. (Isaa. 7:9b) Ni itthu yofayita cinene ukhalaka wiira Yehova naaniwacera ni pooti unikavihera waanana citthu cinoopuweleehu cinnihela isukhuli.—Isaa. 34:18.

Nwacere moopuwelweenyu. Moopuwelelo oohinamaana pooti uhonona nnema nihu ni upatthaniihu ni Yehova. Phimaana, nihaana ukhikicera nrimeehu awula uwehaweha ntthuni hiiva ninlamuliyeehu ukhala.—Miru. 4:23.

MOONE IVIDIYU MANANNANI MAYAMUNNEEHU CINKHALAAYA NINNEMA, HATAA WAARIIPAKA NRIMA. MWAMALIHAKA, MWAAKHULE ALA MAKOHWAALA:

• Citthuni Nikki caapankilyaawe wiira akhitiri waanana masukhuli?

  Waakhula winyu

• Kontha isiyani Nikki woonnyaawe wiira ahaana ukaviheriya ni meetiku?—Mat. 9:12

  Waakhula winyu

• Manannani Nikki coonihenryaawe wiira aakhuluvela ukaviheriya ni Yehova?

  Waakhula winyu