NSOMIHIYE IBIIBLYA NINTTHU
Mphwanye Utteeliya Uhimmala!
Wanhaleenyu usomihiya Ibiiblya, nyuuva nnaahala ucuwela cinaakhuliyaaya makoho toko ala:
Isiyani inlamuliyaaka upanka wiira kikhale ukitteelaka nrima muukumini waka?
Uhuva ni citthu coohinamaana cinaahala umala wanihukuni?
Wanihukuni kinaahala uwoona-tho amucyaaka akhwile?
Nluku naakiwacera miiva?
Kilompeke cani wiira Nluku akiiwe?
Usomihiya wo mahala
Nyuuva khannohala uliva itthu wiira nsomihiye. Ilivuru Mphwanye Utteeliya Uhimmala! inhaleenyu usomiheriya ni Ibiiblya inhaleenyu waakhela, nnohala uvahiya mahala woohiliva hataa ikontu.
Usomihiya nipuro ni ukati umpheeleenyu
Nyuuva pooti uthanla woonanaca co ni co nintthu nohala wuusomihani awula ulikareliya wiira nsomihiye. Nyuuva nnohala usomihiya nipuro ni iwoora inhaleenyu upheela.
Usomihiya woohikhanyererihiya
Mwapheelaka uhiya usomihiya, nyuuva pooti uhiya.
Nnohala usomihiya Ibiiblya manannani?
Ntthu nohala wuusomihani naahala uwiitthucihani vakaani-vakaani isiyani Ibiiblya inhimyaaya. Nyuuva nnohala usomihiya Ibiiblya ivareliyaka nteko ilivuru Mphwanye Utteeliya Uhimmala! ni iyo inaahala wuukaviherani ucuwela Ibiiblya ineetthuciha isiyani ni manannani cinhalaaya wuukaviherani. Wiira ncuweleehe mananna cinhaleenyu usomihiya, moone ila ividiyu ila awula nsome waakhuliya wo citthu atthu enci cineekohaaya.
Nnaapheela woona vakaani myaha cinhaleenyu usomihiya?
Moone myaha co mbiiblyani coopacera cinhaleenyu usomiya.
