Nihuku 13 no Agosto o mwaakha wo 2023, amunna Charles Fonseca, ampanka mphantte wo ikhurupu yo Mahuumu Anhoolela Ipeteli yo Moçambique, yaahohimyaca wiira ihotaphuleliya Ibiibiliya—Ihapari Comaana Cantikhiye ni Matewus, niiluuka ineehaniya Phimbi. Ila ikhanle ilivuru yoopacera yo mbiibliyani ipankiye niiluuka Phimbi. Nipuro naahimyaciyaayanno, yahaavo atthu 3.055, waari wakonkereesuni yo 2023 yaarina muuru weera “Nvilele”! yaapankiye u Fingoe. Atthu yaarivo nno nipuronno yahaakhela iyo ibiibiliyeeyo. Ni waahohimiya wiira atthwaayo pooti waabaxaryaaya mwinternetini.

Iphimbi inoolumiya cinene mphantte unkela ncuwa wo iprovinsiya yo Tete, ilapo yo Moçambique, waattamela ilapo yo Zambia. Uneeriya wiira atthu ookhalaka 100.000 anawuuluma iphimbi. U Moçambique ahaavo anamalalyeera 897 amphwanyanna mmalokoni 20 ni ikhurupu piilu cimpanka mikutthaano niiluuka iphimbi. Munna mmoca aakhuma u Peteli ahoolumaca eeraka: “Niri ootteeliya cinene nlattu mayaamunnehu ni asirokoriu anooluma iphimbi wowaakhela ilivuru ya Matewus niiluukaaya.”

Niitteeliye wamoca nimayaamunneehu anooluma iphimbi, nlattu wowaakhela ila itthuvo yomaaneela. Ninaakupali wiira, nlaatu wo ila ilivurwiila, ayo mayaamunnaayo ni ‘atthu otheene owiiyeviha,’ anaahala ukhuluvela wiira anaahala waakhela iparakha cinhalaawe uniwaanela Yesu.—Matewus 5:5.