Nihuku 22 no Setembro o mwaakha wo 2023, amunna Charles Fonseca, ampanka mphantte wo ikhurupo yo Mahuumu Anhoolela Ipeteli yo Moçambique, yaahohimyaca wiira ihotaphuleliya Ibiibiliya—Ihapari Comaana Cantikhiye ni Matewus, niiluuka ineehaniya Lolo. Nipuro naahimyaciyaayanno, yahaavo atthu 3.680 yaakhenle iyo ibiibiliyeeyo. Ciicammo waahohimiya wiira atthwaayo pooti waabaxaryaaya iyo ibiibiliyeeyo mwinternetini ni wiira ciicammo haavo audiywaaya.

U Moçambique, ahaavo atthu ookhalaka 330.000 anooluma iloolo. Nno nummerunno ninaahela nhina mayaamunneehu ni asirokorihu 750, amphwanyanna mmalokoni 17 ni ikhurupu tthaaru cimpanka mikutthaano niiluuka Lolo. Amunna amoca waakhela waya ibiibiliyeeyo, yahoolumaca yeeraka: “Ikhumelo yokhalayi nampheela cinene usoma Ibiibiliya niiluukeehu. Ila ikhanle iparakha inkhuma wa Yehova!”

Niri ootteeliya cinene nlattu wo mayaamunneehu ni asirokorihu o Moçambique anooluma ilolo, ni ninansukhuru Yehova waavaha wawe ila itthuvo yomaaneela.—Matewus 7:11.