Ivingi ivyaya pa webusaiti yii mungavilola ukwaula kuti mutale mulembesye napya ukwaula ukuti mutale mututumile ivyeo vimwi. Nomba ivyeo vimwi vyene vikaloleka sile kuli yano yalembesya, na yano yatutumila mazwi ukuti yakulonda tuyazweko muli vimwi, nanti yano icilongano icili consi ica Nte Zyakwe Yeova catuma ivyeo ivikulanda pali aliyo pa jw.org. Tukaombela sile pa vyeo ivikulanda pali mwemwe kulingana na vino mweineco imuzumilizya. Insita zimwi, ndi mwiza mwakana vino mwazumilizye, limwi tungakwata insambu zya kutwalilila ukuombelapo, cikulu sile nga icilingana na masunde ya mpanga.

Vyeo ivikulanda pali mweineco vino mwemwe kwene mwalemba pali webusaiti wii i vyakuomvya sile lino tukulonda tuombe vimwi vino twaminena pa nsita ino mukulemba ivyeo vivyo. Vimwi vino tungamiombela vingaya aevi:

Maakaunti. Adelesi wako e-mail uno mwatupeela pa kuyulisya akaunti pali webusaiti wii alaomviwa pa kumunena ivyeo vimwi vya pali akaunti kwene uno mwayulisya. Wakwe ndi cakuti mwilila izina lya kuyulila nanti pasiwedi, lyene mukulonda tumwazwe ukuyula, ala tumamutumila meseji kuli e-mail kwene wiyo wino mwalemvile.

Kuleenga Imilimo imwi. Mungaomvya webusaiti wii ku kutumila fomu wa kuleengelapo imilimo imwi, nanti icilongano cino mwayamo cingaomvya webusaiti wii kumwazwa ukutuma fomu iyo. Nga caya vivyo, ale ivyeo vino mwalemba vimaomviwa sile ku kuombela pali vino mukuleenga nu ku kuombela pali vyuze ivikulondekwa. Nga calondekwa, apakuti vino mukulonda viombeke, limwi ivyeo vino imulemba pali fomu tunganenako na aku ofesi litu ilyayela uku mpanga yuze nanti tuungwe tuuze twakwe ya Nte utwayela ku mpanga zipusane pusane.

Misangulo. Ndi cakuti mwasangwilako impiya kuomvya Intaneti, ala tumakopolola nu kusunga izina linu ni vyeo vya kuomvya pa kulanzyanya namwe. Pa kuzumila nu kupokelela imisangulo inu ino mwasangwilile ukuomvya kaadi wa ku banki wakwe credit card, tukaomvya inzila izicingililwe sana pa kuombelapo. Tungapokelela ivyeo vimwi wakwe nambala yakwe kaadi wa ku bank nanti nambala yakwe akaunti wa ku banki pakuti tuombele pali vino imulemba lino mukusangwilako nu kuvituma kuli yano yamapokelela. Tukaombela pali vino mwalemba lino mukusangula ukuomvya inzila izicingililwe sana izyalingana ni lamulo lyakwe Payment Card Industry Data Security Standard (“PCI DSS”). Aakaombela ku kupokelela imisangulo yakasunga ivyeo vino mwalemvile pa myaka 10 nanti ukucilapo. Pa vyeo vivyo pangaya uwanda lino mwasangwile, uwingi wa mpiya, ni nzila ino mwaomvizye pa kusangula. Kucita vii kukatwazwa ukuomba ukulingana na masunde pa vya mpiya napya cikatwavwa ukwasuka mauzyo ndi cakuti mwiza mwatuuzya api lyasi kwene lii mu nsita iyo. Tutalamutumila kuti tuleenge ukuti mukasangwileko na zyuze.

Ndi Mwaleenga Ukuti Mumanyilepo na Vyuze Nanti Ukuti Tumwazwe Ukusambilila Baibo. Mungaomvya na webusaiti kwene wii kuleenga ukuti mumanyilepo na vyuze, nanti ukuti tumwazwe ukusambilila Baibo uwila sile. Ivyeo vino mwalemba tulaviomvya sile ku kuombela pali vino imuleenga. Limwi ivyeo vinu tunganenako aku maofesi itu aaya uku mpanga zyuze nanti utuungwe utukaomviwa ni Nte Zyakwe Yeova ndi cakuti cikulondekwa ukucita vivyo pakuti tumwazwe.

Vyuze. Mungalemba nu kutuma ivyeo ivikulanda pali mweineco (wakwe izina linu, adelesi inu ya ku positi, na foni namba inu) ndi cakuti mukulonda ukucita vyuze ivisi ukupanga akaunti wa pa webusaiti yii, nanti ukutuma fomu wa kuleenga imilimo imwi, nanti ukusangwilako impiya. Lyonsi lino mukucita vivyo ala mumalola itumulondolwela cino tukulondela ukuti mutunene ivyeo vimwi pali mweineco. Tutalaomvya ivyeo ivikulanda pali mwemwe ku kucita vyuze vino tutaminenyile lino mukulembesya.

Tukakopolola, ukusunga, nu kuomvya ivyeo pali mwemwe lino sile tukulonda ukuombela pali vino mwemwe imuleenga, napya tukavisunga sile pa nsita ino vikulondekwa pa kuombela pali vino mukulonda. Pa kucita vii, ndi cakuti mwakana ukulemba ivyeo pali mweineco vino itumunena, ale citanga ciombe ukuyula vimwi ivya pali webusaiti, nanti ukuti tumyasuke pali vino mukuleenga.

Ivyeo vino mwalemba lino mukuleenga cimwi nanti lino mwatuma fomu wa kuleenga vimwi, yakavilola kuli yano yafwile yaombelepo nanti kuli yano yakaombela ku vya makompyuta ndi calondekwa ukuzifya nanti ukulungisya imiombele yakwe ya kompyuta. Ivyeo vya pali mwemwe tusivipeela kuli yauze suka manye ndi (1) avino cikulondekwa pakuti tuombele pali vino mwemwe imuleenga napya ala itumilondolwela vivyo; (2) itusininkizya ukuti cikulondekwa ukuti tucite vivyo pano avino isunde lya mpanga lyalanda; (3) avino alasi ya uteeko iyatunena ukuti tuyapeele ivyeo vivyo; nanti (4) cikulondekwa ukucita vivyo pakuti tuleme asomvi ya pa Intaneti. Lino mukuomvya webusaiti yii ala imuzumila ukuti tunganenako yauze alumbulwa paa ivyeo pali mwemwe. Nanti cikaye uli ivyeo vino mwalemba pali mweineco tutalavikazya, nanti ukwazimisya yauze ukuti yaviomvyeko.

Iuvi lya mapepo likaomba mu mpanga izingi kuomvya utuungwe utupusane pusane utwaya uku mpanga kwene zizyo. Vikompyuta vimwi ivikalamba ivyalemelela webusaiti itu vyayela uku United States of America. Limwi tungakuusya ivyeo vinu kufuma mu mpanga ya ku mwinu, limwi ukwikako ni mpanga zino zyakwata masunde apusaneko pa miomvezye ya vyeo yano limwi yatangakolana na masunde amu mpanga ino muliko pa nsita yii. Pa nsita ino tukuombela pa vyeo vinu nu kuvikuusya, tukaomvya inzila izisuma izyapangwa ukucingilila ivyeo. Twataila ukuti utuungwe tonsi tuno tukaomvya napya utukatungilila imiombele yakwe ya Nte Yakwe Yeova ukulondela masunde yano twikako pa kucingilila ivyeo na masunde ya mpanga pa miomvezye ya vyeo ivikulanda pa muntu.

Lino mwayula pali webusaiti yii, nu kututumila ivyeo vimwi, ala mwazumila ukuti tungakuusya ivyeo nu kuvituma ku mpanga zyuze.

Lyonsi lino tukuombela pa vyeo vinu, tukaezya papezile maka itu ukusininkizya ukuti ivyeo ivikulanda pali mwemwe lyonsi vili ivya cumi napya ivipya kulingana na cino mwaleembiile ivyeo vivyo. Kulingana ni mpanga ino mwikalako alino na masunde ya mpanga kuno muli aakalanda pa misungile ya vyeo, limwi mungakwata insambu zii apisika pa vyeo vinu vino imututumila:

• Munguzya ukuti mumanye vino tukatoola nu kuomvya ivyeo vinu ukulingana ni sunde lya mpanga;

• Mungaleenga ukuti mulole, ukulungika, ukufuuta, nanti ukuyaaliisya ivyeo vinu ndi cakuti puulila vimwi nanti ndi vitalembwa ningo;

• Ndi imukwatwa umulandu uuvwike uwa kucitila vivyo, mungakaana ukuti tutaombela pa vyeo vinu nu kutuleenga ukuti tutatwalilila ukuombelapo pa vyeo vivyo.

Ndi cakuti impanga ino mwikalamo yakwata amasunde pa kucingilila ivyeo lyene mukulonda mulole ivyeo vinu, nanti ukuvilembulula, nanti sile ukuvifuuta, mungazana ivyeo vya kuomvya pa kulanzyanya na akaombelapo ndi mwaya pa Vya Kulanzyanya na Aakalolekesya pa Kucingilila Ivyeo.

Ndi twapokelela amazwi yano mwatulembela lino mukuleenga, mwailondolola na ningo camanyikwa nu kuti amwemwe, mwalemba ni vikulondekwa pakuti tumanye ukuti imutuzumilizya ukumuyulila ivyeo vivyo, yayo aakalolekesya pa kucingilila ivyeo yalapitulukamo ukulola nga yangamipeela vino mukulonda; inkoleelo yalalolekesya cino mukulondela ivyeo vivyo, nu kuvilembulula, nanti ukuvifuuta, nga alino yalalola nga vikuvwana na masunde yano iuvi likalondela, wakwe ndi cakuti ukupeela umuntu wiyo ivyeo vino waleenga kungaletelela iuvi icakuti ituponzya nu untungwa wa kupepa. Tulamanyisya na yauze aingiilemo mu cuvwano citu namwe pakuti yamanye ivyativisenuka.

Mukwai mumanye ukuti ivyeo vinu vitanga vifuutwe ndi cakuti isunde lya mpanga likalonda ukuti ituombela pa vyeo vino mwatumile inkolelo, nanti ndi cakuti ivyeo vivyo vingalondekwa ukusungwa pakuti iviomviwa mu milandu imwi. Wakwe vino iuvi litu lya mapepo likalonda ukuti ivyeo ivikulangilila ukuti umuntu umwi aa Nte Wakwe Yeova vifwile ukusungwa imyaka yonsi. Ukufuuta ivyeo vivyo kwapusana na vino iuvi lyazumila na vino likaomba. Fwandi ukuleenga ukuti tufuute ivyeo vimwi pa muntu kufwile ukulingana na vino isunde lyaya, nampo ndi likalonda ukuti itunena akalolekesya pa milandu nanti ndi cakuti isunde lyapima utali wa nsita ino ivyeo vifwile ukusungwa lino vitali vifuutwe. Nga mukweti ivyakuilizyanya pa vyeo vinu vino mwatutumile ukuomvya webusaiti yii, mungalanda na aakalolekesya pa masunde aku mpanga kwene iyo.