1 Samweli 27:1-12
-
Aina Filisti yapeela Devedi umusumba wa Zikilagi (1-12)
27 Devedi welenginye ati: “Wanda umwi Saulo alankoma. Cino ndizile sile ukucita u kuutukila ku mpanga ya Ina Filisti; lyene Saulo alata ukundonda mu mpanga yonsi ya Ina Izlaeli, nupya ndapusuka kuli aliwe.”
2 Fwandi Devedi wakatwike pamwi na onsi 600 aali nawe nu kuya kuli Akisyi mwana Maoki, umwene wa ku Gati.
3 Devedi na antu yano wali nayo iikazile na Akisyi umu Gati, cila muntu wali na amu ng’anda yakwe. Devedi wali na ya mama yakwe yaili, kuli kuti Ainoamu Umwina Yezileele na Abigeo Umwina Kalimeli uwali a muka Nabali lino Nabali atatala wafwa.
4 Lino Saulo yamunenyile ukuti Devedi utukila uku Gati, watiile ukumulonda.
5 Lyene Devedi wanenyile Akisyi ati: “Ndi cakuti intemwikwa kuli wewe, leka yampeele incende mu musumba onga pa misumba yako pakuti akuno naikala. U mulandu ci uno umuomvi wako angaikalila umu musumba wa wene pamwi nawe?”
6 Fwandi Akisyi wamupeezile umusumba wa Zikilagi pa wanda uuwa. Ali mulandu uno Zikilagi wayela u musumba wa yene ya Yayuda kufika na ndakai.
7 Devedi wikazile umu mpanga ya Ina Filisti pa mwaka onga ni myezi 4.
8 Devedi na antu yakwe yayanga mu kuzanza Aina Gesyuli, Aina Gilizi na Ina Amaleki, pano a ikalanga umu misumba iyatandikila umu Telamu ukufika uku Syuli nu kutentemukila umu mpanga ya Ijipti.
9 Lyonsi lino Devedi waya mu kuzanza impanga, wakomanga aonsi na anaci yonsi, nupya wasendanga imfwele, ing’ombe, ya punda, ingamali ni vyakuzwala, lyene pacisila waswililanga kuli Akisyi.
10 Lyene Akisyi uzyanga ati: “Aekwi kuno uwaya umu kuzanza ilelo?” Devedi wasukanga ati: “Inaya uku kaeya* ka mpanga ya Yuda nanti inaya uku kaeya ka mpanga iya Yelameeli nanti inaya ku kaeya ka mpanga ya Ina Kenite.”
11 Devedi atasyanga umonsi nanti umwanaci uwakuti angasenda uku Gati, walandanga ati: “Pano yangaya yakanene antu pali sweswe nu kulanda ukuti, ‘Vii avino Devedi wacisile.’” (Nupya vikwene avino wacitanga pa nsita yonsi ino wikalanga umu mpanga ya Ina Filisti)
12 Akisyi wataile Devedi, welenganyanga ati: ‘Cumi kwene antu yakwe, Aina Izlaeli iyamupata, fwandi amatwalilila ukuya umuomvi wane.’
Mafutunoti
^ Nanti “ku Negebu.”
