Ezaya 16:1-14
-
Navyuze ivilacitikila Moabu (1-14)
16 Twalini suuku kuli kateeka wa mpanga,Kufuma uku Sela ukupita umu lwangaKufika uku mwamba wa mwana umwanaci uwa ku Zioni.
2 Wakwe vino icunyi cino yazinga pa cinsanzo cikacita,Avino cilaya nu ku yana akazyana aku Moabu apa kulambila uluzi lwa Alinoni.
3 “Pingulini vya kucita nu kucita vivyo kwene.
Mu nsita ya musanya lekini vinzingwa vinu vifite wa mfinzi.
Fisini antu aasalangana nupya mutatazyela aakutuka.
4 Mwe Ina Moabu lekini antu yane aasalangana ikale muli mwemwe.
Muye wa ncende ya kufisamamo kuli wino akulonda ukuyonona.
Aakayacuzya alononwa,Uwononesi ulasila,Nupya yayo aakalyatola auze yalaloviwa umu nsi.
5 Lyene umwene ukufuma umu lupwa lwakwe Devedi aalikala pa cilimba ca wene alaya na ucisinka
Na ukateeka wakwe ulacingililwa nupya ulaatungululwa nu kutemwa kwa cumi;Aalapingula umu mulinganya nupya alaleta zuwa ulungami.”
6 Tuvwa pali vino Aina Moabu yaya sana ni cilumbaPali vino yakaitutumula, vino yakayuvwa na vino yakalipa;Lelo imilandile yao ilaya iya sile sile.
7 Fwandi Aina Moabu yalaloosya Aina Moabu yauze;Yonsi kwene yalaloosya.
Aalacimviwa yalaloosya lino yaliusya keke iyapangilwa ni myangazi iyume iya ku Kili-haleseti.
8 Pano imyangazi iya mu Hesyiboni yatiuma,Kumwi ni myangazi ya mu Sibima,Ya kateeka ya nko iyalyatola imisambo ya myangazi iyenzu isuma;Iyafika nu ku Yazeli;Iyatwalilila ukufika nu ku lwanga.
Misambo iyatipuuka yatisalangana ukufika na kuli yemba.
9 Ali mulandu uno ndaloosezya pa myangazi ya mu Sibima wakwe vino ndaloosya pali Yazeli.
We Hesyiboni na we Eleale, ndakutifya na minsozi yane,Pano insita ya cisanya ino mukaya ni nsansa lino mukuzombola yatisila.
10 Kusansamuka nu kuvwa ningo ivifumiziwa umu calo ca miti,Nupya kusi inyimbo izya nsansa nanti ukuvwa ningo mu vyalo vya myangazi.
Aakafena imyangazi waleka ukufena,Pano naleka ukuti kusansamuka kusile.
11 Ali mulandu uno nkuzakazila umukasi pa mulandu na vino nkuvwa uyi pa Ina Moabu,Wakwe vino banjo akazakaza nga akulila,Nupya nkuvwa uyi sana pa mulandu wakwe Kili-haleseti.
12 Nanti cakuti Aina Moabu yakaombesya ukuya pa ncende zya kupepelapo, nu kuya mu kupepela umu ncende zyao izya muzilo yakaicuzya sile.
13 Yaa ali mazwi yano Yeova walanzile pali Moabu.
14 Lyene Yeova walanda wati: “Mu myaka sile itatu (myaka yii ilaya wakwe vino umuomvi akapenda imyaka) ululumbi luno Moabu wakweti lulasila nupya mulaya ivimvulunganya ivipusanepusane, nupya aalasyalamo yalaya anono nupya asuulwe.”
