Ezaya 2:1-22
2 Vino Ezaya mwana Amozi waweni pali Yuda na Yelusalemu aevi:
2 Mu manda ya ku mpela,Umwamba apaya ing’anda yakwe YeovaUlatalimpisya ukucila imyamba yonsi,Nupya ulatumpulwa ukucila utu myamba,Ni nko zyonsi akuno zilaaya.
3 Nupya antu amu nko izingi yaliza nu kulanda iyati:
“Twapiteni uku mwamba wakwe Yeova,Uku ng’anda yakwe Leza wakwe Yakobo.
Amaya akatusambilizye vino akalonda,Naswe tumapitanga umu nzila zyakwe.”
Pano uku Zioni u kulafuma masunde,Na mazwi yakwe Yeova yalafuma umu Yelusalemu.
4 Alapingula antu ya mu nkoNu kuputula imilandu ya yantu aingi.
Yalasula ya panga yao ukuya ya pulaoNa masumo yao ukuya ivya kutungwilako imiti.
Kusi uluko ululakatusizya uluko luze ulupanga,Nupya yatalatala yasambililepo inkondo.
5 Mwe ya mu ng’anda yakwe Yakobo, iziniLekini twapita umu luswepo lwakwe Yeova.
6 We Leza, walekelezya antu yako amu ng’anda yakwe Yakobo,Pa mulandu wakuti yakakolanya intambi zya yantu ya ku ufumondaka;Yakacita ivya maleele wa Ina Filisti,Nupya yakaikala na ana ya ku mpanga zyuze.
7 Mu mpanga yao mwazuula siuva na goldi,Nupya yakwata ivyuma ivingi sana.
Umu mpanga yao mwazuula imfwalasi,Nupya mwaya maceleta aingi sana.
8 Mu mpanga yao mwazuula ya leza ya sile sile.
Yakafukamila ivintu vino yapanga sile aineco,Vino yaomvya iminwe yao pa kuvipanga.
9 Antu yayo yakaya aasile sile,Yakazewana nupya utalayelela.
10 Ingilini umu ciliwe nu kufisama umu lukunguPa mulandu wa ukali wakwe YeovaNu ucindami wakwe ukalamba.
11 Umuntu wa cilumba alazewana,Na antu ya matutumuko yalacimviwa.
Yeova sile aliwe alacindamikwa pa wanda uuwa.
12 Pano uu ulaya uwanda wakwe Yeova wa maumba.
Uliza pa muntu wensi uwaya ni cilumba nu wa matutumuko,Pa muntu wensi umucindame nanti umusuulwe,
13 Pa mikedali yonsi ya mu Lebanoni iyaya ni cilumba nupya iicindikweNa pa miti yonsi iikalamba iya mu Basyani,
14 Pa myamba yonsi itumpukeNa pa tumyamba tonsi ututali,
15 Pa lupungu lonsi ulutali na pi linga lyonsi likome,
16 Pa mawato yonsi aku TasyisyiNa pa mawato yonsi asuma.
17 Umuntu wa cilumba wensi icilumba cilamutankoka,Nupya antu ya matutumuko yalazewana.
Yeova sile aliwe alacindamikwa pa wanda uuwa.
18 Ya leza yonsi aasile sile yalononwa.
19 Nupya antu yalingila umu macele ya mu vimaweNu mu viwina,Pa mulandu wa ukali wakwe YeovaNu ucindami wakwe ukalamba,Lino alalenga insi ukusunkaana nu kulenga antu ukuya sana ni ntete.
20 Pa wanda uwo antu yalatola ya leza yao aasile sile yakwe goldi na yakwe siuvaYano yapanga ukuti yafukamilaNu kuyasumbila kuli tuswenya nu ku tususu,
21 Pakuti ingile umu viwina vya mu maweNu mu milale ya mu mawe,Pa mulandu nu kutiina ukali wakwe YeovaNu ucindami wakwe ukalamba,Lino alakatuka nu kutensya insi nu kulenga antu ukuvwa intete.
22 Pakuti ivintu vimuzipile, tiini ukutaila umuntu,Pano wene u muntu sile aakafuuta.
U mulandu ci uno mungamutailila?
