Ezaya 27:1-13
27 Mu wanda uuwa Yeova alaomvya ulupanga ulukalipe, ulukulu nupya ulukomeNu kufulula icingwena, icizoka icikasyengana sile pa kupita,Icizoka icikanyongaana pa kupita,Nupya alakoma icizoka cikalamba icikaikala muli yemba.
2 Mu wanda uuwa muce mumwimbile muti:*
“Icalo ca myangazi icikweti waini umukalipisye!
3 Ne Yeova nkumucingilila.
Cila nsita nkamukontelela.
Nkamucingilila usiku nu musanya,Pakuti kutaya nanti aumwi uwa kumucita iviipe.
4 Ukali wane pali aliwe wasila.
Ndi cakuti umwi wika imyunga ni vikoona pa nkoleelo yane,
Ndavilyatoola nu kuvyoca pa muku sile onga nupya ndamulwisya.
5 Lelo lekini aize kuli nene pakuti acingililwe.
Lekini apange umutende nani;Mutende auno apange nani.”
6 Mu manda aakwiza, Yakobo alakwata imisisi,Izlaeli alakwata imisambo nu kuwalula,Nupya ya mwana Yakobo yalazuuzya ivizao umu mpanga.
7 U mulandu ci uno angumilwa iciipisye?
U mulandu ci uno Aina Izlaeli yalinzile ukukomelwa umu nzila iiyo?
8 Alapunda ukupunda kwa kutiinya nu kulwisyanya nawe pa kumuzinga.
Wanda uno kulaya umuza wa ku ufumondaka alamuzinga ukuomvya umuza ukome.
9 Fwandi vikwene avino imembuZyakwe Yakobo zileleelwa,
Alaleka amawe yonsi apa ulamboYaye wakwe cooko uwatasyunolwa,Nupya kusi incesi zya kupepa* nanti ivya kocelapo ivinunkile ivilasyala.
10 Pano umusumba wi linga ulasyala ukwaula antu;Umwa kucemela iviteekwa mulasyala sile kwati umu lwanga.
Mumu kwene amuno utwana twa ng’ombe tulaalya nu kulaalaNupya tulaalya imisambo ya miti.
11 Lino utumisambo tuluuma,Anaci yaliza nu kutukontoola,Nupya yalapembela umoto.
Pano antu yaa yasiiluka.
Ali mulandu uno Kaumba wao atalayuvwila uluse,Nupya uwayapanzile atalaya ni cikuuku kuli aliyo.
12 Mu wanda uuwa Yeova alakunta ivizao uku miti ya mu mbali ya Luzi* kufika uku Mukonko wa Ijipti, nupya mwe Ina Izlaeli mulakolongana pamwi.
13 Mu wanda uuwa ipenga ilikulu lilalila, nupya yayo aali umupiipi nu kulowa umu mpanga ya Asilya na yayo aasalanganila umu mpanga ya Ijipti yaliza nu kufukama pa nkoleelo yakwe Yeova umu mwamba wa muzilo umu Yelusalemu.
Mafutunoti
^ Limwi ingalozya kuli Izlaeli nupya wino yakolanya uku calo ca myangazi.
^ Lolini Ulondolozi wa Mazwi.
^ Kuli kuti Yufuleti.
