Ezaya 32:1-20
32 Umwene alateeka umu ulungamiNa ya cilolo nayo umu mulinganya.
2 Cila muntu alaya wa ncende iya kucingililwamo uku cimuza,Wa ncende iya kuuwamo uku mvula iya cimuza,Wa nguzi umu mpanga umutaaya manzi,Na wa cisaao ca vimawe ivikalamba sana umu mpanga iyumisye.
3 Lyene amanso ya yantu aakalola yatalatala yayalwe,Na matwi ya yantu aakauvwa yalaakutikisya.
4 Antu aazenzembe yalaelenganya pali vino yasambilila,Na antu aakatiitisya yalaalanda ningo nu kulanda ivyuvwike.
5 Antu aawelewele yatalaamwa ukuti aakapekape,Nupya umuntu umutumpe atalaamwa ukuti uwa mano;
6 Umuntu iciwelewele alaalanda ivya uwelelwele,Nupya alaapanga ukucita iviipe,Pakuti atungilile usangu nu kulanda ivya ufi pali Yeova,Nu kuleka aali ni nzala yakane ukulyaNa ali nu lusala yakane ukumwa ivya kumwa.
7 Mapange ya muntu umutumpe yaya aipe;Akakomelezya yauze ukucita ivya nsonyiPakuti alovye apiina na aakacuziwa ukuomvya ufi,Na lino aliyo yakulanda icisinka.
8 Lelo uwaya na ukapekape akalondesya ukupeela,Nupya akatwalilila ukupeela yauze.
9 “Mwe yanaci aaya nu mulekelezya, katukini nu kuvwa ukwi izwi lyane!
Mwe yanaci aasisakamikwa nanti acimwi, kutikisyini kuli vino nkulanda!
10 Lino papita umwaka na manda anono, mwemuno musisakamikwa icili consi muluvwa intete,Pano insita iya kuzombola imyangazi ilasila ukwaula ukuti muzombole ivili vyonsi.
11 Zakazini mwe yanaci aaya nu mulekelezya!
Uvwini intete mwemuno musisakamikwa icili consi!
Zuulini ivyakuzwala vinu,Nu kunyepa ivyakuzwala vya kulangilamo ulanda umu misana.
12 Yumini pa visao pa mulandu nu ulanda uno mukwetiPali vino ivicitika uku vyalo vinu vivunde ni vyalo vya myangazi.
13 Pano umu mpanga iya yantu yane mulaya imyunga itupu;Pa mang’anda yonsi aapaya insansa palaya imyunga itupu,Kuli kuti umu musumba uno antu yakasansamuka.
14 Lupungu ulukome lulalekeleziwa;Mu musumba wa congo mutalaya antu.
Ofeli nu lupungu lwa mulinzi vilasyala umwaula antu manda pe,Mulaya umwa kucinila ya punda,Nu mwa kucemela imfwele ni mbuzi,
15 Kufikila lino tulapokelela umupasi ukufuma ukwi yulu,Na lino ulwanga lulaya icalo ca miti ya vizao,Ni calo ca miti ya vizao caya wa mutengo.
16 Lyene umu lwanga mulaya umulinganya,Nu ulungami ulaya umu calo ca miti ya vizao.
17 Ulungami wa cumi ulalenga ukuti kuye umutende,Nupya ulalenga ukuti kuye ukucingililwa nupya kulaya mya.
18 Antu yane yalikala umu ncende iya mutende,Umu ncende izicingililwe nupya umutaaya ivimvulunganya.
19 Lelo imvula ya mawe ilonona umutengo,Nu musumba ulavungolwa.
20 Mwemwe ya nsansa mwemuno mukakomela imbezu konsi ukuli amanzi,Mwemuno mukasapula cipambasi na punda.”
