Ezaya 34:1-17
34 Palamini nu kwizauvwa mwe yantu ya mu nko,Kutikisyini mwe yantu.
Lekini insi ni vyayamo vikutike,Impanga na vyonsi ivyayamo.
2 Pano Yeova watasokela inko zyonsi,Ukali wakwe uli pa yasilika yao yonsi.
Alayonona;Alayakomola.
3 Antu yao aalakomwa yalasumbilwa ukunzi,Ni cinunu ca vitumbi vyao cilafika nu mupela;Myamba ilasunguluka pa mulandu nu wazi.
4 Asilika yonsi amwi yulu yalaola,Nupya mayulu yalapombwa wa lupapulo ulupombwe.
Asilika yao yonsi yaluuma,Wakwe vino ifwa ilyume likapona uku mwangaziNa vino masamvu aume yakapona uku muti.
5 “Pano umwi yulu amuno ulupanga lwane lulakandana nu wazi.
Luliza pali Edomu nu kumupingula,Kuli kuti antu yano napingula ukonona.
6 Yeova watakwata ulupanga; lulakandana nu wazi.
Lulakandana na mafuta,Nu wazi wakwe ya suuku ni mbuzi,Na mafuta ya ku mfyo zyakwe ya suuku.
Pano Yeova watapekanya umutebeto uku Bozila,Kuli kuti watakoma inyama izingi umu mpanga ya Edomu.
7 Inyama izikalamba izyaya wa mbo zilapita pamwi nayo,Ya cipambasi anono yalapita pamwi na ya cipambasi aakalamba aamaka.
Impanga yao ilakandana uwazi,Nu musili ulakandana mafuta.”
8 Pano Yeova watakwata uwanda uno alaleta icilanduzi,Umwaka uno alafulula aacitanga iviipe kuli Zioni.
9 Inguzi zyakwe* zilaya a manenekela,Nu musili wakwe ulaaya a maluti,Nupya impanga yakwe ilaya wa manenekela aakupya.
10 Usiku nu musanya italatala izime;Icunsi cilatwalilila ukufutumuka amanda pe ukuya umupela.
Ilatwalilila ukuya iyononeke;Kusi alatala apitemo manda pe.
11 Mukanga ni cinunji vilikalamo,Ni vipululu vya matwi yatali na ya mwankole vilikalamo.
Leza alaomvya intambo ya kupimilako ni iwe lya kulinganyizizyako kupima impanga iiyoPa kulangilila ukuti ilasyala umwaula cimwi nupya ilononwa.
12 Kusi nanti aumwi pa yantu yakwe acindame aalaya umwene,Na ya cilolo yakwe yonsi yalaya aasile sile.
13 Imyunga ilamela umu mpungu zyakwe izya malingaMyunga ni vikoona vilamela mu ncende yakwe icingililwe.
Mulaya umwa kulaala ya nkusa,Imbuni zilaikalamo.
14 Inyama zya mu lwanga zilakomenkana ni nyama izikawata,*Nupya imbuzi zya mu mpanga* zilapundililana.
Nupya kuuku kwene akuno mbaza alikala nu kuzana incende pa kupuuzila.
15 Kuuku kwene akuno inzoka ilapanga icinsanzo nu kuta mayai,Nupya ilulola utwana nu kutucingilila.
Kuuku kwene akuno ya mweye yalakolongana, cila mweye alaya nu wakaci.
16 Londini umwi buku lyakwe Yeova nu kubelenga umwi izwi lyuvwike muti:
Kusi nanti acimwi icilaponga;Vyonsi vilaaya viili viili, cakaci ni cakalume,Pano Yeova u watalanda,Nupya umupasi wakwe uulavikolonganika.
17 Aaliwe uwatavipendolela,Nupya aliwe kwene uwatapima incende kuno vilikala
Vilikala mumo kwene manda yonsi;Vilikalamo umu nkulo zyonsi.
Mafutunoti
^ Afwile akulozya kuli Bozila umusumba ukalamba uwa mu Edomu.
^ Limwi ikulozya kuli ya cimbwi, mimbulu, ni nyama zyuze izikawata.
^ Nanti limwi, viwa ivyaya wa mbuzi.
