Ezaya 35:1-10
35 Ulwanga ni mpanga iyumisye vilazanga,Ni mpanga umutaaya ivili vyonsi ilasansamuka nu kuzuulamo maluwa.
2 Mu mpanga iiyo mulawalula maluwa;Antu yalasansamuka nu kupunda nu luzango.
Lulumbi lwakwe Lebanoni lulaya umu mpanga umutaaya icili consi,Mulaya nu ucindami wakwe Kalimeli na wakwe Syaloni.
Yalalola ululumbi lwakwe Yeova, kuli kuti ucindami wakwe Leza witu.
3 Mukomye makasa ya yantu atonte,Na makokola aakuzakaza.
4 Munene aakusakamala muti:
“Muye akome. Mutuvwa intete.
Lolini! Leza winu akwiza ni cilanduzi.Akwiza nu upinguzi,
Aliza nu kumupususya.”
5 Pa nsita iiya impafu zilalola,Na ya cipuuli yaluvwa.
6 Alemale yalatoloka wa nswela,Na ya ciulu yalapunda nu luzango.
Pano manzi yalaafukoka umu lwanga,Nupya umu mpanga umutaaya manzi mulaya inguzi.
7 Impanga iilangoke ilaya icifula,Nu musili uumisye ulaya utufukoka twa manzi.
Umwalaalanga ya nkusa,Mulamela isote iliteku, matete ni mpunga.
8 Kulaya umuseo ukulu,Ukaamwa ukuti Museo wa Muzilo.
Muntu umukowele atalapitamo.
Wasungilwa antu ya muzilo;Kusi umuwelewele aalapitamo.
9 Mutalaya cisama,Nanti ivilyanyi vya mu mpanga ivikalipisye.
Vitalayamo;Aakululwa aliyo sile yalapitamo.
10 Antu yano Yeova wakulula yalawela uku Zioni ala yali sana ni nsansa.
Insansa zyao zitalasila.
Yalaazanga nu kusansamuka,Nupya yatalaya nu ulanda nanti ukulila.
