Ezaya 42:1-25
42 Lolini! Umuomvi wane wino nkaazwilizya!
Wino nasoolola nupya wino nkazangilamo!
Niika umupasi wane muli aliwe;Wene alaleta umulinganya uku nko.
2 Atalapunda nanti ukulanda ni izwi lya papela,Nupya atalaleka izwi lyakwe lyuvwike umu miseo.
3 Atalavuna itete ilifwampe,Nupya atalazimya utambi uuli apiipi nu kuzima.
Alaya uwa cumi nupya alaleta umulinganya.
4 Atalatonta nanti ukutoovoka ukufikila waleta umulinganya umu nsi;Nupya ivilila vikaloleela masunde yakwe.
5 Yeova Leza wa cumiKaumba wi yulu, Leza wa Lulumbi uwalikonzolwile,Uwapanzile insi na vyonsi ivyayamo,Aakapeela umuza uku yantu aayamoAlino nu mupasi, walanda wati:
6 “Ne Yeova nakwama umu ulungami;Nakulema ukwi kasa lyako.
Ndakucingilila nupya ulaya wa upangano pali nene na pa yantu ya mu nkoNa wa luswepo uku nko,
7 Pakuti uyule manso ya mpafu,Nu kufumya afungwa muno yanyepwaNa aya umu mfinzi ukuyafumya umu cifungo.
8 Nene Yeova. Lilyo ali zina lyane;Ntalapeela ucindami wane kuli ali wensi,Nanti ukupeela ululumbi lwane uku vilubi.
9 Lolini, ivya kutandikilako vyafikiliziwa;Lyene nkumunena ivipya.
Nkumunenela limwi, lino vitatala vyacitika.”
10 Imbilini Yeova ulwimbo ulupya,Mwimbilini ulwimbo lwa kumulumbanya kufuma uku mpela ya nsi,Mwemuno uwikazi winu wasintilila pali yemba na pa vintu vyonsi ivyayamo,Mwe vilila na antu yonsi aikalamo.
11 Lekini ulwanga ni mizi iyayamo vipunde,Imizi umukaikala Kedali.
Lekini aakaikala umu ciliwe yapunde ni nsansa;Lekini yapunde papela ya myamba.
12 Lekini yapeele ululumbi kuli YeovaNu kumulumbanya umu vilila.
13 Yeova alaya umu ulwi wa muntu uwa maka.
Alacincila wa musilika.
Alapunda ukupunda kwa mu ulwi;Alalanga ukuti uwa maka ukucila alwani yakwe.
14 Leza walanda wati:
“Insulako pa nsita itali.
Inikala mya nu kuikaanya,Ndalila nu kufuteeka wa mwanaci aakupaapa.
15 Ndonona imyamba nu tumyambaNu kulenga ivimelwa vyonsi ivyayamo ukuuma.
Ndalenga inguzi ukuya ivililaNupya ndazikamya.
16 Ndatungulula impafu mu nzila zino zitamanya,Ndalenga zipite umu nzila izitamanyikwa ningo.
Ndalenga imfinzi ukuya uluswepo uku mpafu zizyo,Ndalenga incende iilundumale ukuya iitambalale.
Vikwene avino ndazicitila, ntalazitazyela.”
17 Aataila ivilubi aakanena ivilubi iyati:“Mwemwe ya leza itu.”Yalacimviwa nupya yalazewana sana.
18 Kutikini mwe ya cipuuli;Lolekesyini mwe mpafu.
19 A weni uwapafula wa muomvi wane,Nupya uwaya cipuuli wa muntu wino nkatuma?
A weni uwapafula wa muntu uwapeelwa icilambu,Nupya uwapafula wa muomvi wakwe Yeova?
20 Mukalola ivintu vingi, lelo musiikako mano.
Mwakwata matwi lelo musiuvwa.
21 Pa mulandu wakuti Yeova waya umulungame,Akalanga vino masunde yaya akalamba na vino yacindama.
22 Lelo yakwene ali yantu yano yapokolola ivintu nu kuvisenda;Yonsi kwene yalemwa umu viwina nupya yafisama umu vifungo.
Yayapokolola iviya ukwaula uwa kuyapususya,Nupya yavisenda ukwaula uwa kulanda ukuti: “Viwezyini!”
23 A weni aluvwa vii?
A weni aalakutikisya pakuti ivintu vice vimuzipile uku nkoleelo?
24 A weni uwalesile ukuti Yakobo yamusendele iviyaNu kuti Izlaeli yamupokolole iviya?
Uzye asi a Yeova wino twayembukila?
Yakanyile ukucita vino akalonda,Nupya yakanyile ukuvwila masunde Yakwe.
25 Fwandi watwalilile ukuleta ukali wakwe pali aliyo,Wayasokiile sana.
Nupya waleesile inkondo pali aliyo, vintu vyakwe vyonsi vyononike umu nkondo, lelo atiisileko mano.
Inkondo yali pali aliwe, lelo ataasumvileko mano.
