Ezaya 47:1-15
47 Ika pansi nu kwikala umu lukungu,We mwanaci nacisungu wa ku Babiloni.
Ikala pansi apasi icilimba ca wene,We mwana umwanaci uwa Ina Kalideya,Pano antu yatalatala yakwamepo nupya ukuti wewe mwana wa mwene nupya wayemba.
2 Tola umwanansyo usye fulaulo.
Fuusa siketi.
Pakuti makuulu yasyale sile.
Lamba inguzi.
3 Ulasyala tupu.
Ulazewana.
Ndalandula nupya kusi umuntu aalandesya.
4 “AakatukululaA Yeova uwa maumbaUwa Muzilo wakwe Izlaeli.”
5 Ikala mya nupya yanga umu mfinzi,We mwana umwanaci uwa Ina Kalideya;Yatalatala yakwamepo nupya ukuti Namwene Uwa Mawene.
6 Nasokiile antu yane.
Nalesile ukuti yakowele,Nupya nayapeezile kuli wewe.
Lelo utayuvwilile uluse.
Na akote kwene wayapeelanga ivisendo ivinyome.
7 Walandanga uti: “Ndaya Namwene manda pe.”
Utisileko mano uku vintu vii;Utasumvileko mano kuli vino vyali nu kufumamo.
8 Lyene uvwa kuno wemuno watemwa ukucina,Wemuno wikala umu ncende icingililwe, wemuno ukalanda umu mwenzo uti:
“A nene kwene kutaaya na muze.
Ntalatala injepo mukamfwilwa.
Ntalatala imanye vino cikauvwika ukufwilwa ana.”
9 Lelo ivintu vii vyoili kwene vilakwizila umu kupumikizya umu wanda sile onga,
Kuli kuti ukufwilwa ana nu kuya mukamfwilwa.
Viliza pali wewe icipisyePa mulandu ni vya maleele vino ukacita uwingi ni vya mipasi vyako vyonsi.
10 Wataila umu viipe vino ukacita.
Walandanga uti: “Kusi aakundola.”
Mano yako nu kwiluka ivyakuponzizye,Nupya ukalanda umu mwenzo uti: “A nene kwene kutaaya na muze.”
11 Lelo intazi ilakuponela,Nupya maleele yako yonsi yatalaomba.
Macuzi yaliza pali wewe; nupya utalayalesya.
Uwononesi uliza pali wewe umu kupumikizya.
12 Ale twalilila ukuomvya ivya mipasi vyako ni vya maleele vyako ivingi,Vino waculila ukufuma uku wance.
Limwi vingakwazwa;Limwi ungalenga antu ukuya ni ntete.
13 Watutonta pa mulandu ni mpandamano zyako izingi.
Leka ize nu kukupususya,Aakapepa ivintu vya mwi yulu nu kulolekesya intanda,Aakapanda mano pa myezi iipyaPa vintu ivilakucitikila.
14 Yaya wa nsaawa.*
Moto ulayoca.
Yatanga yaipususye uku cimbilimbili ca moto.
Cimbilimbili cico citaaya wa moto wa malasya uwa koota,Nupya citaaya wa moto uno ungikala umupiipi.
15 Vikwene ivilacitikila antu yako aakacita ivya maleele,Yano waculila ukufuma uku wance.
Cila muntu alalungama kuno akulonda.
Kusi aalakupusya.
Mafutunoti
^ Isote ilikasyala nga yasinza vimwi.
