Ezaya 5:1-30
5 Lekini nimbile umutemwikwa wane ulwimboUlwimbo pa mutemwikwa wane na pa calo cakwe ica myangazi.
Mutemwikwa wane wakweti calo ca myangazi umu mbali ya mwamba.
2 Walimilemo afumyamo na mawe.
Walemikemo imyangazi iyenzu isuma,Wakuuzile ulupungu pakasi ka calo,Apangamo ni ca kufenelamo.
Wenekelanga ukuti mulaseeka imyangazi isuma,Lelo mwaseesile sile imyangazi ya mu mpanga.
3 Ali mulandu uno walandiile ati: “Mwe yantu ya mu Yelusalemu na amu Yuda,Pingulini pali nene na pa calo cane ica myangazi.
4 Uzye i cani cino ntaacisile uku calo cane ica myangaziCino naali nu kucita?
U mulandu ci uno umu calo mwaseekiile imyangazi ya mu mpangaLino nenekelanga imyangazi isuma?
5 Lyene lekini muneneVino ndacita uku calo cane ica myangazi:
Ndafumyako vino napindililako,Nu kucoca.
Ndaongolola iciumba ca mawe icazingulukako,Nupya antu yalalyatolamo.
6 Ndacilenga ukuya ica sile sile;Ntalatungwila imyangazi nanti ukusakwila.
Mulamela sana imyunga ni vikoona,Nupya ndanena makumbi kuti yatalenga imvula ukutoonyezyamo.
7 Pano Aina Izlaeli aali icalo ca myangazi cakwe Yeova wa maumba;Antu ya mu Yuda aali miti ya myangazi ino watemilwe.
Wenekelanga ukuti mulaya umulinganya,Lelo mwali sile ulufyengo;Wenekelanga ukuti mulaya ulungami,Lelo mwali sile ukulila kwa malanda.”
8 Kalanda kuli yayo aakalundinkanya ing’anda uku ng’anda yuzeNi calo uku calo cuzeUkufikila incende yasilaCakuti impanga yonsi iya sile iyao!
9 Yeova wa maumba walafile ala nkuvwa nakoUkuti mang’anda aingi nanti yangaya aakalamba nupya asuma,Yalasanguka ica kusekaPa mulandu wakuti mutalikala antu.
10 Pano umu maekita 4 aa calo ca myangazi mulafuma sile malita 22 yakwe waini,Nupya uwalima makilogilamu 160 aa mbezu alazombola sile makilogilamu 16.
11 Kalanda kuli yayo aakazyuka kasikusiku iyaya umu kumwa uwengwa,Aakafika nu usiku sana suka uwengwa iuyakola!
12 Yakakwata mazeeze, ya banjo,Tungoma, mitolilo na waini pa mitebeto yao;Lelo yasielenganya pa milimo yakwe Yeova,Nanti ukulola ivintu vino akacita.
13 Fwandi antu yane yalasendwa umu uzyaPa mulandu wakuti nemo yatamanya;Aonsi yao aamaka yalaya ni nzalaNupya antu yao yonsi yaluvwa ulusala.
14 Malindi* iyaikuzyaNupya iyaasamila limwi;Nupya ucindami wakwe na antu yakwe aakapanga icongo nu kusansamukaAkuno yalaya.
15 Muntu alafukama,Alacefiwa,Na antu ya cilumba yalinama pa mulandu ni nsonyi.
16 Yeova wa maumba alacindikwa pa mulandu nu upinguzi wakwe;Leza wa cumi, Uwa Muzilo alalanga ukuti u wa muzilo ukupitila umu ulungami.
17 Imfwele zilaaliilamo kwati u mu ncende ya mulemvwe muno zikaliila;Antu ya ku mpanga zyuze yalaaliila umu ncende umwaliilanga inyama iziine.
18 Kalanda kuli yayo aakabepa, yanyepelelwa uku membu zyao,Yaya wa nyama izikatinta icikocikala nu kucisenda konsi kuno zikuya;
19 Yayo aakalanda ukuti: “Lekini apitisye;Lekini aize aombe zuwa imilimo yakwe tuilole.
Lekini ukulonda kwakwe Leza Uwa Muzilo wakwe Izlaeli kucitikePakuti tukumanye!”
20 Kalanda kuli yayo aakalanda ukuti icisuma iciipe nu kuti ciipe icisuma,Yayo akalola imfinzi wa luswepo nu kulola luswepo wa mfinzi,Yayo akati icilule calyompa ni cilyompe iyati icilule!
21 Kalanda kuli yayo aakailola aamanoNupya acenjele!
22 Kalanda kuli yayo aakamwesya uwengwaNa yayo aamanyikisya ukuminkanya uwengwa upusanepusane pakuti ukalipe,
23 Aakavwangila umwipe pa mulandu nu kuyaozya,Na aakafyenga umulungami!
24 Fwandi wakwe viivi kwene vino kamoto kakaoca insaawaNi cimbilimbili icoca isote ilyume,Avino imisisi yao ilaola,Na maluwa yao yalasalangana wa lukunguPa mulandu wakuti yakana masunde yakwe Yeova wa maumbaNu kusuula mazwi yakwe Leza Uwa Muzilo wakwe Izlaeli.
25 Ali mulandu kwene uno ukali wakwe Yeova ukupya wa moto pa yantu yakweNupya alakonzolola ikasa lyakwe nu kuyakoma.
Myamba ilatenkana,Nupya ivitumbi vyao vilaya wa vikoona umu miseo.
Pa mulandu na ucipondoka wao, ukali wakwe utaasila,Lelo watwalilila ukukonzolola ikasa lyakwe pakuti ayakome.
26 Watuma icimanyililo uku mpanga ya kutali;Wayakuwila umuluvi kuti iize ukufuma umu nsi yonsi;Nayo yakwiza ala iyacincila.
27 Kusi umwi pali aliyo uwatatonta nanti ukupumika.
Kusi aakusipula nanti ukukasula.
Misipi ya mu misana yao itatelwike,Ni ntambo zya ku ndyatu zyao zitaputwike.
28 Inceto zyao zyonsi izinyoleke,Na maulapwa yao yonsi aapekanyiziwe uku kulasa.
Nkamba zya mfwalasi zyao zili wi iwe ilikome,Na matayala ya ku maceleta yao yakusimula wa cimuza.
29 Yakung’anza wakwe cisama;Yakululuma wakwe ya cisama anono.
Yalang’anza nu kulema cino yakulonda ukulyaYalacisenda nupya kusi aalacipususya.
30 Yalacing’anzilaWakwe vino uluzi lukauza.
Wensi aalalolekesya umu mpanga alalola imfinzi iipisye;Ala kusi nu luswepo pa mulandu wa makumbi.
Mafutunoti
^ Nanti “Syeo.” Lolini Ulondolozi wa Mazwi.
