Ezaya 60:1-22
60 “Katuka, we mwanaci, yengesa, pano uluswepo lwako ilwiza.
Ululumbi lwakwe Yeova lukuyengesa pali wewe.
2 Lola! imfinzi ilavimba insiNa kaanda kalaya pa nko;Lelo Yeova alaleta uluswepo pali weweNu lulumbi lwakwe lulalolekela pali wewe.
3 Inko ziliza uku luswepo lwakoNa ya mwene yaliza uku luswepo lwako ulukalamba.
4 Tumpula manso nu kulola monsi monsi!
Yonsi iyakolongana yakwiza kuli wewe.
Ana yako aonsi yakwiza ukufuma ukutali,Na ana yako akazyana iyayasendela pa lumani.
5 Pa nsita iiya ulalola nupya ulayengesa,Ulasansamuka nu kuya nu luzango,Pano ivyuma ivya muli yemba vilapeelwa kuli wewe;Kumwi ni vyuma vya nko.
6 Umu mpanga yako mulazuula ingamila,Kuli kuti ingamila zya kalume izya Ina Midyani na Ina Efa.
Antu yonsi aku Syeba yaliza;Yalasenda goldi ni vinunkile.
Nupya yalaalumbanya Yeova.
7 Imfwele zyakwe Kedali zyonsi zilakolonganikwa nu kuletwa kuli wewe.
Na ya suuku yakwe Nebayoti ulaayaomvya.
Ndakuzumilizya ukuyaleta pa ulambo wane,Nupya ndayemvya ing’anda yane iya lulumbi.
8 Aaweni yaa aakupita umwi yulu wa makumbi,Wa nkunda izikuya umu vitele?
9 Ivilila vilapaalila muli nene;Mawato ya ku Tasyisyi yalasenda ana yao aonsi,Yalayafumya ukutali,Pamwi na siuva wao na goldi, wakwe vino yacisile uku cisila,Pakuti ize yalumbanye izina lyakwe Yeova Leza wako Uwa Muzilo wakwe Izlaeli,Pano alakucindamika.
10 Antu ya ku mpanga zyuze yalakukuulila iviumba,Na ya mwene yao yalakuombela,Pano nali nu ukali lino nakufulwile,Lelo ndakuvwila uluse.
11 Impongolo zyako zilaaya iziyulike lyonsi;Zitalayalwa umusanya nanti usiku,Pakuti yace yakuletela ivyuma vya mu nko,Nupya ya mwene yao aalatandikilapo kucita vivyo.
12 Pano uluko ululi lonsi nanti uwene ivitalakuombela vilalowa,Nupya inko zilononwa icipisye.
13 Lulumbi lwakwe Lebanoni luliza pali wewe,Kuli kuti miti ya yunipa, miti ya asyi, ni milemo,Pakuti iomviwe uku kuyemvya incende yane iya muzilo;Ndalenga incende apa kulyata ingazo zyane ukuya iya lulumbi.
14 Ana ya yantu aakucuzyanga yaliza nu kukufukamila;Yonsi aakusaalulanga yalafukama pa ngazo zyako,Yalaakwama ukuti Zioni umusumba wakwe Yeova,Uwa Muzilo wakwe Izlaeli.
15 Kucila ukuti utazyelwe nupya upatwe icakuti antu yatapita na muli wewe,Ndalenga ukuti uye uwakuti antu yayuvwilapo icilumba manda pe,Uwakuti antu yasansamukilapo uku nkulo zyonsi.
16 Nupya ulamwa umukaka wa nko,Ulonka uku maele yakwe ya mwene;Nupya ulamanya ukuti ne Yeova, nene indi Kapususya wako,Ne wa maka wakwe Yakobo nene indi Kakulula wako.
17 Apaali koopa ndikapo goldi,Na paali icela, ndikapo siuva,Apaali imbao, ndikapo koopa,Na paali amawe, ndikapo icela;Nupya ndasonta umutende ukuya uwa kukwangalilaNu ulungami ukuya ali wa kukupeela imilimo.
18 Umu mpanga yako mutalaya unkalweNanti sile umu mipaka yako mutalazanwa ivyononwe ni vitamolwe.
Ulaama iviumba vyako ukuti Kupususya ni mpongolo zyako ukuti Ukulumbanya.
19 Ilanzi lilata ukukukozezya uluswepo umusanya,Nu mwezi utalakukozezya uluswepo usiku,Pano Yeova alaya ali luswepo lwako manda pe,Nupya Leza wako alaya ali kuyemba kwako.
20 Ilanzi lyako lilata ukuwa,Nu mwezi wako ulata ukuzima,Pano Yeova alaya ali luswepo lwako amanda peNa manda yako aakuloosya yalaya ala iyasila.
21 Antu yako yonsi yalaya alungami;Yalapyana impanga manda pe.
Yalaya ali misambo ya ku miti ino nalema,Antu yano naumba pakuti ncindikwe.
22 Apaali antu anono sile palaya antu masauzandiNi umba ilinono ilitakweti maka lilaya uluko lwa maka.
Nene kwene ne Yeova ndalenga ukuti cicitike zuwa pa nsita ino cifwile ukucitikilapo.”
