Ezaya 61:1-11
61 Yeova Umwene wa Papelapela wika umupasi pali nene,Pano Yeova wansonta kuti nsimikile ilyasi lisuma uku yantu afuuke.
Wantuma kuti nize nyepele aakacuziwa ivilonda,Nu kusimikila pa kukululwa kwa yazyaAlino nu kulenga afungwa ukutandika ukulola nupya,
2 Kuti nsimikile ukuti umwaka uwakuti Yeova alange uluse iufikaKumwi nu wanda uwakuti Leza alete icilanduzi,Kuti nteekezye antu yonsi aakuloosya,
3 Wantuma kuti nsakamale antu aakuloosya pa mulandu na Zioni,Kuti njapeele ivitambala mu cifulo ci twi,Nu kuyapeela mafuta pakuti yangaasansamuka ukucila ukuloosya,Nu kuyapeela icakuzwala ca kuomvya pa kundumbanya ukucila ukuya nu ulanda.
Nupya yalaamwa ukuti imiti ikalamba iya ulungami,Imiti ino Yeova walema pakuti yamulumbanya.
4 Yalazifya cipya cipya incende zya mpiti izyononike;Nu kuzifya incende izyasiile umwaula antu pa nsita itali,Nupya yalakuula cipya cipya misumba iyononike,Kuli kuti incende izyasiile umwaula antu pa myaka iingi.
5 “Aenyi yaliza nu kutandika ukumucemela imfwele,Na antu ya ku mpanga zyuze yalamulimila nu kuomba mu vyalo vinu ivya myangazi.
6 Lelo mwemo mulaamwa ukuti ya simapepo yakwe Yeova;Yalaamwama ukuti mwemwe yaomvi yakwe Leza witu.
Mulaalya ivyuma vya nkoNupya mulaayuvwila pa vyuma vyao.
7 Mu cifulo ca kuya ni nsonyi antu yane yalapokelela mapaalo aingi,Nupya umu cifulo ca kuzewana yalaya sana ni nsansa pali vino yalapokelela.
Yalakwata mapaalo aingi umu mpanga yao
Yalaya ni nsansa zya manda pe.
8 Pano ne Yeova, natemwa umulinganya;Napata apuupu na aasicita ivilungame.
Ndapeela antu yane ivilambu vyao,Nu kupangana nayo upangano uwa manda pe.
9 Ana yao yalamanyikwa uku nkoNi ndupwa zyao zilamanyikwa umu yantu.
Yonsi aayalola yalayamanya,Yalamanya ukuti aana yano Yeova wapaala.”
10 Ndazangila sana muli Yeova.
Ndasansamukila muli Leza wane nu mwenzo wane onsi.
Pano wanzwika ivyakuzwala vi pusukilo;Ni cakuzwala icaula makasa ica ulungami,Wakwe siwinga aakazwala icitambala Icikoline na cino simapepo akazwala,Nupya wakwe nawinga aakaiyemvya ni viyembelo.
11 Pano wakwe vino insi ikamezya ivimelwaNupya wakwe vino icalo cikamezya vino yakomelamo,Avino na Yeova Umwene wa PapelapelaAlalenga ulungami ukuyako nu kulenga antu ukumulumbanya ala ni nko zyonsi zikulolako.
