Ezaya 64:1-12
64 Ndi cakuti walepwile mayulu nu kwizaPakuti imyamba itenkane pa mulandu wako,
2 Wakwe vino umoto ukaoca insaalaNu kukavya manzi,Lyene izina lyako lingamanyikwa uku yalwani yako,Ni nko zingazakaza pa nkoleelo yako!
3 Lino wacisile ivya kuzungusya vino tutenekiileWizile, nupya imyamba yatenkanyile pa nkoleelo yako.
4 Ukufuma mpiti kusi uwatala uuvwa nanti ukukutika,Nupya kusi uwatala walolapo Leza muzeAakasakamala antu aakaloleela pali aliwe, suka sile wewe.
5 Ukaya pamwi na antu aakaitemelwa ukucita ivilungame,Aakakwiusya nu kulondela masunde yako.
Wasosile sana lino twayembukanga,Twayembwike pa nsita itali.
Uzye tulapusuka?
6 Swensi kwene tuli wa muntu umukowele,Nupya ivicitwa vitu vyonsi vilungame vili wa cisalu icikoweziwe nu wazi wa mwanaci aali uku mwezi.
Swensi tuluuma wi ifwa,Nupya imembu zitu zilatusenda wakwe vino umuza ukasenda ivintu.
7 Kusi ali wensi aakulumbanya izina lyako,Kusi aakuleenga uwazwilizyo kuli wewe,Pano waifisa kuli sweswe,Nupya walenga ukuti twakwata intazi pa mulandu ni membu zitu.
8 Nomba lyene we Yeova, wewe uuli Tata witu.
Sweswe ivu, naawe wewe Nakamata witu;Swensi kwene wewe watupanzile.
9 Utatusokela sana we Yeova,Nupya utatwalilila ukwiusya imembu zitu manda pe.
Twapaapata iusya ukuti swensi kwene sweswe yantu yako.
10 Imisumba yako iya muzilo yasyala ulwanga.
Zioni nawe kwene wasyala ulwanga,Yelusalemu wasyala uwa sile sile.
11 Ing’anda itu iya muzilo nupya iya lulumbiMuno ivikolwe vitu vyakulumbanyizizyanga,Yapya,Ni vintu vyonsi vino twatemilwe vyononeka.
12 We Yeova, uzye na pa cisila ca kulola vyonsi vii ulatwalilila ukusuulako sile?
Uzye ulaalolako sile kuno tukucululuka ukwaula ukutwavwa?
