Ezila 10:1-44
10 Lino Ezila wapepanga nu kusokolola imembu zya yantu yakwe ala akulila nupya ala atalaala pa nkoleelo yakwe Leza wa cumi, iumba ilikalamba ilya Ina Izlaeli, kuli kuti aonsi, anaci na ana, yakolongine ala iyamuzinguluka, pano antu yalilanga sana.
2 Lyene Syekaniya mwana Yehiyeli uwa mu yana yakwe Elamu wanenyile Ezila ati; “Itucita iciipe kuli Leza witu pa kutwala anaci amu nko zyuze. Nomba asi mulandu na vii, Leza anguvwila Aina Izlaeli uluse.
3 Lekini lyene tupangane upangano na Leza uwakuti tuzinge aci itu yonsi na ana yano yakwata, ukulingana na vino Yeova watalanda nu kulingana na vino atiyatiina isunde lyakwe Leza witu iyalanda. Lekini tucite ukulingana na masunde.
4 Katuka, pano uu u mulimo wako, tumakwazwa. Usipe nu kuombelapo.”
5 Lilyo kwene sile Ezila wakatwike nu kuleka ya simapepo akalamba, Aina Levi, na Ina Izlaeli yonsi ukulapa ukuti yamacita vino Syekaniya walanzile. Fwandi yalafile.
6 Lyene Ezila wafumile pa nkoleelo ya ng’anda yakwe Leza wa cumi nu kuya umu muputule* wakwe Yeoanani mwana Elyasyibu. Nanti cakuti waile mumu ataalile ivyakulya ivili vyonsi nupya ataamwile manzi, pano waloosyanga pa mulandu ni viipe vino antu awezile umu uzya yacisile.
7 Lyene yamanyisizye antu mu Yuda monsi nu mu Yelusalemu ukuti yonsi aawezile ukufuma umu uzya yakolongane umu Yelusalemu;
8 nupya ukulingana na vino ya cilolo na akalamba yapingwile, wensi ataali nu kwiza umu manda yatatu, wali nu kupokwa vyonsi vino wakweti nupya yaali nu kumuzinga ukufuma pa yantu aawezile umu uzya.
9 Fwandi aonsi yonsi amu mutundu wakwe Yuda na wakwe Benjamini yakolongine umu Yelusalemu umu manda yatatu, umu mwezi uwalenga 9, pa wanda uwalenga 20. Antu yonsi ikazile umu musolo wakwe Leza wa cumi, yazakazanga pa mulandu ni lyasi ilyalandwangapo pa kukomaana kuko, na pa mulandu ni mvula ikalamba iyatoonyanga.
10 Lyene Ezila simapepo wakatwike nu kunena antu ati: “Imucita icintu ciipisye pa kutwala anaci amu nko zyuze, fwandi imulundako imembu na zyuze uku membu zya Ina Izlaeli.
11 Fwandi isokolwelini membu zinu kuli Yeova Leza wa vikolwe vinu nu kucita ukulonda kwakwe. Muitalusye uku yantu ya ku mpanga zyuze nu ku yaci inu yaa amu nko zyuze.”
12 Lyene antu yonsi yaswike ni izwi likalamba iyati: “Tumacita ukulingana na vino walanda.
13 Lelo antu iyavula nupya yii iinsita ya cisiku tutanga twimilile panzi. Nupya umulandu uu usikusila umu wanda onga nanti umu manda yaili, pano twayembuka sana.
14 Fwandi leka ya cilolo itu imilileko iumba lyonsi; nupya leka antu yonsi amu misumba itu aatwala ya mama amu nko zyuze yakize pa nsita iilasoololwa, kumwi na akalamba alino na ya kapingula ukufuma umu musumba onga na onga, suka ukali wakwe Leza ukafume pali sweswe pa mulandu ni viipe vino twacita.”
15 Nomba Yonatani mwana Asaeli na Yazeya mwana Tikiva yakanyile mazwi yayo, nupya Aina Levi, kuli kuti Mesyulamu na Syabetai yayatungilile.
16 Lelo Ayuda aawezile ukufuma umu uzya yacisile vino antu yonsi yazumilizye nupya Ezila simapepo ni ntunguluzi zya ndupwa, kuli kuti yonsi yano yalemvilwe mazina, yakomenkine yonga pa wanda uwa kutandikilako umu mwezi uwalenga 10 pakuti yapituluke umu mulandu;
17 nupya pa wanda wa kutandikilako, umu mwezi wa kutandikilako yamazile ukuombela pa milandu yakwe yonsi aatwazile anaci amu nko zyuze.”
18 Nupya cizile icizanikwa ukuti ana yakwe ya simapepo yamwi yatwazile anaci amu nko zyuze, acisile vivyo aeya: muli ya mwana Yesyua umwana wakwe Yeozadaki na ina yakwe, a Maaseya, Elieza, Yalibu,na Gedaliya.
19 Lelo yalavile ukuti yaali nu kuzinga ya mama yao, nupya pa mulandu wakuti yaali nu mulandu, yaali nu kupeela suuku pa mulandu wao.
20 Muli ya mwana Imeli, a Hanani na Zebadiya;
21 na muli ya mwana Halimu, a Maaseya, Eliya, Syemaya, Yehiyeli, na Uziya;
22 na muli ya mwana Pasyuli, a Elioenai, Maaseya, Isumaeli, Netaneli, Yozabadi, na Eleasa.
23 Mu Ina Levi, a Yozabadi, Syimei, Kelaya, kuli kuti Kelita, Petaya, Yuda, na Elieza;
24 muli ya kimba a Elyasyibu, nu mu yalinzi ya pa mpongolo a Syalumu, Telemu, na Uli.
25 Mu Ina Izlaeli, muli ya mwana Palosyi, a Lamiya, Iziya, Malikiya, Miyamini, Elieza, Malikiya, na Benaya;
26 na muli ya mwana Elamu, a Mataniya, Zekaliya, Yehiyeli, Abidi, Yelemoti, na Eliya;
27 na muli ya mwana Zatu, a Elioenai, Elyasyibu, Mataniya, Yelemoti, Zabadi, na Aziza;
28 na muli ya mwana Bebai, a Yeoanani, Hananiya, Zabai, na Atilai;
29 na muli ya mwana Bani, a Mesyulamu, Maluki, Adaya, Yasyubu, Syeali, na Yelemoti;
30 na muli ya mwana Pahati-moabu, a Adina, Kelali, Benaya, Maaseya, Mataniya, Bezalele, Binui, na Manase;
31 na muli ya mwana Halimu, a Elieza, Isyiya, Malikiya, Syemaya, Syimyoni,
32 Benjamini, Maluki, na Syemaliya;
33 na muli ya mwana Hasyumu, a Matenai, Matata, Zabadi, Elifeleti, Yelemai, Manase, na Syimei;
34 muli ya mwana Bani, a Maadai, Amulamu, Ueli,
35 Benaya, Bedeya, Kelui,
36 Vaniya, Melemoti, Elyasyibu,
37 Mataniya, Matenai, na Yaasu;
38 na muli ya mwana Binui, a Syimei,
39 Syelemiya, Natani, Adaya,
40 Makinadebai, Syasyai, Syalai,
41 Azaleli, Syelemiya, Syemaliya,
42 Syalumu, Amaliya, na Jozefu;
43 na muli ya mwana Nebo, a Yeiyeli, Matitiya, Zabadi, Zebina, Yadai, Yoweli, na Benaya.
44 Yonsi yaa yatwazile anaci amu nko zyuze nupya yayazinzile kumwi na ana yao.
Mafutunoti
^ Nanti “muputule wa kuliilamo.”
